Nepal Schoolon Mein Jaroori Hui Cheeni Bhaasha Mandaarin

World »

Nepal Schoolon Mein Jaroori Hui Cheeni Bhaasha Mandaarin

Kaathamaandoo Cheen ki sarkaar ke Nepal mein mandaarin (cheeni bhaasha) padhaane vaale shikshakon ke vetan ka bhugataan karne ki peshakash ke baad is himaalayi raashtra mein kai niji schoolon ne chhaatron ke is bhaasha ko seekhane ko anivaarya kar diya hai. Khabaron ke mutaabik, yeh kadam aise samay mein uthaaya gaya hai jab Nepal mein cheen ka dakhal badhta ja raha hai. Khaas taur par cheen ki mahatvaakaankshi belt aur road pariyojana ki prushthabhoomi mein. Bhaarat is pariyojana ka virodh kar raha hai kyonki iske tahat aane wala cheen-Pakistan aarthik galiyaara Pakistan ke kabje vaale Kashmir se hokar gujarega. The himaalayan times ki khabar ke mutaabik, Nepal ke kai schoolon ne chhaatron ke liye cheeni bhaasha mandaarin seekhana anivaarya kar diya hai kyonki cheen ki sarkaar ne mandaarin padhaane vaale shikshakon ke vetan ka bhugataan karne ki peshakash ki hai. Nepal mein school ka paathyakram taiyaar karne waali ikaai karikulam divelapameint center ke dishaanirdesh ke mutaabik, Nepal ke school chhaatron ko videshi bhaasha padha sakte hain lekin vah ise anivaarya naheen bana sakte hain.

Nepal Schoolon Mein Jaroori Hui Cheeni Bhaasha Mandaarin https://www.angrejinews.com/pic/281343