Nepal Mein Runway Par Fisla Vimaan, Teen Logon Ki Maut

World »

Nepal Mein Runway Par Fisla Vimaan, Teen Logon Ki Maut

Kaathamaandoo Nepal ke evarest kshetr mein shanivaar ko lukala havaaiadde par ek chhote vimaan ne runway se udaan bharate samay vahaan khade do heleekauptaron ko takkar maar di jismein kam se kam teen logon ki maut ho gayi. Kaathamaandoo post ki khabar ke anusaar, yeh ghatna tab hui jab vimaan udaan bharne ke liye taiyaari karte samay runway par fisl gaya aur usane runway se kareeb 30-50 meter door lukala helipad par khade heleekauptaron ko takkar maar di. Akhbaar ne tribhuvan antararaashtreeya havaaiadde ke pravakta prataap babu tivaari ke havaale se kaha ki helipad par tainaat sah-pilot S dhunagan aur sahaayak sab inspector Ram bahaadur khadka ki ghatna mein maut ho gayi. Akhbaar ne bataaya ki haadase mein ghaayal hue sahaayak sab inspector rudr bahaadur shreshth ki aspataal mein ilaaj ke dauraan maut ho gayi. Vimaan uda rahe captain aarabi rokaaya aur manang air ke captain chet gurung ghatna mein ghaayal ho gaye. Unka grand aspataal mein ilaaj chal raha hai tatha unki haalat khatre se baahar bataai ja rahi hai.

Nepal Mein Runway Par Fisla Vimaan, Teen Logon Ki Maut https://www.angrejinews.com/pic/267883