Nepal Mein Nae Mukhya Chunaav Aayukt Ki Niyukti

World » Tuesday, March 26, 2013

Kaathamaando . . Nepal ke raashtrapati raamabaran Yadav ne aagaami chunaav ke prabandhan ke liye aaj nae mukhya chunaav aayukt aur chaar aayukton ki niyukti ki. Pichhle kai maheenon se Nepal ke mukhya chunaav aayukt sahit chunaav aayog ke kai pramukh pad rikt the. Is dauraan desh ki sabhi badi raajaneeti paartiyaan chunaav karaane ke liye ek sarkaar ke gathan par sahamati banaane ki koshish mein lagi hui theen. Aakhirkaar pradhaan nyaayaadheesh ke netrutv mein 14 March ko chunaav karaane ke liye rkaavaahak sarkaar ka gathan kiya gaya. Desh mein chunaav 21 June ko hone hain. Raashtrapati ne neelakanth upreti ko mukhya chunaav aayukt aur dolakh bahaadur guroong, ayodhi prasaad Yadav, ila sharma aur Ram bhakt thaakur ko chunaav aayog ka aayukt niyukt kiya. Kaaryavaahak pradhaan nyaayaadheesh Damodar prasaad sharma ne aaj raashtrapati bhavan mein sabhi ko pad ki shapath dilaai