'Neeteesh Saabaramati Train Kaand Rok Dete, To Gujarat Dange Naheen Hote

Breaking »

'Neeteesh Saabaramati Train Kaand Rok Dete, To Gujarat Dange Naheen Hote

Nai Delhi. . Bihar ke mukhyamantri neeteesh Kumar ke Narendra Modi par kiye gaye hamle se BJP 'Baukhalaai' hui hai. Uske netaaon ne neeteesh par chautarafa hamla bol diya hai. BJP netaaon ne Gujarat dangon ke liye paroksh roop se neeteesh ko hi jimmedaar thahara diya hai. Unhonne kaha ki agar 2002 mein rel mantri rahe neeteesh Kumar godhara mein saabaramati train agnikaand ko rok dete, to Gujarat dange naheen hote. BJP ki pravakta meenaakshi lekhi ne Gujarat dangon ke liye seedhe taur par neeteesh ko jimmedaar thaharaaya. Unhonne kaha ki 2002 mein jab saabaramati train kaand huaa tha tab neeteesh rel mantri the. Meenaakshi lekhi ne kaha, 'Bhaarateeya janta party mein sabhi dharmanirpeksh hain. 2002 mein bhi neeteesh ji hamaari sarkaar mein shaamil the aur saabaramati express ke dauraan vah railmantri bhi the. Aise mein hamaare mukhyamantri ke baare mein kahi gayi unki baaton ko ham khaarij karte hain. ' neeteesh par doosra hamla BJP ke raashtreeya sachiv raameshvar chaurasiya ne bola. Unhonne bhi Gujarat dangon ke liye seedhe-seedhe tatkaaleen railmantri neeteesh Kumar ko jimmedaar thaharaaya. Unhonne kaha, 'Kisi bhi ek ghatna se koi vyakti kamyunal naheen ho jaata. BJP bhi secular hain aur Modi bhi secular hain. . Godhara mein agar train haadasa roka gaya hota to Gujarat dange naheen hue hote. . . Jis tarah ek ghatna asam mein hui. . . Jis tarah indira Gandhi ki hatya ke baad dange faile. . . Hatya naheen hoti to dange naheen hote. Yah bas ek ghatna hai aur kisi ek ghatna ko lekar kisi nateeje par naheen pahunchana chaahiye. Desh ki janta ne hamein sekularijm ke certificate diya hai, isliye Modi hi naheen poori BJP secular hai. ' gaurtalab hai ki isse pehle Bihar BJP netaaon ne somvaar subah party adhyaksh Rajnath Singh se mulaakaat ki. Neeteesh ke altimetam aur Modi ko nishaane par liye jaane ko lekar somvaar ko Rajnath Singh ne unhein Delhi bulaaya tha. Meeting ke baad haalaanki BJP netaaon ne kuchh jaahir naheen kiya, lekin sootron ke mutaabik ismein JDU ko lekar party ki rananeeti par vichaar kiya gaya. (yah poori khabar aap yahaan padh sakte hain)

'Neeteesh Saabaramati Train Kaand Rok Dete, To Gujarat Dange Naheen Hote https://www.angrejinews.com/pic/5618