Neeteesh Kumar Ne Narendra Modi Ko Shubhakaamanaaen Di

Breaking »

Neeteesh Kumar Ne Narendra Modi Ko Shubhakaamanaaen Di

Patna: Bihar ke poorv mukhyamantri neeteesh Kumar ne bhaavi pradhaanamantri Narendra Modi ko badhaai aur shubhakaamanaaen di hai. Unhonne yeh bhi kaha ki Bihar ko Modi se kaafi apekshaaen hain. Patna mein somvaar ko samvaadadaataaon se baatcheet ke dauraan Modi ke shapath grahan ke baare mein poochhe jaane par unhonne kaha, Modi pradhaanamantri ban rahe hain, unki sarkaar ko badhaai aur unhein shubhakaamanaaen hain. Unase Bihar ko kai apekshaaen bhi hain. neeteesh ne kaha ki Modi ke shapath grahan samaaroh mein shaamil hone Bihar ke mukhyamantri jeetan Ram maanjhi ja rahe hain, saath hi party ka pratinidhi bhi shaamil hoga. Bihar ki Modi se apekshaaon ke vishay mein unhonne kaha ki Bihar ko vishesh raajya ka darja mile aur vishesh package ki raashi bhi badhaai jaae. Unhonne kaha ki kai raajyon ke log rojagaar ki talaash mein doosare raajyon mein jaate hain. Aise pravaasi logon ko doosare raajyon mein pareshaani ka saamana karna padta hai. Ise rokane ke liye ek keindreeya kaanoon banaane ki aavashyakta hai aur is tarah ki ghatnaaon par raajya sarkaar ki javaabadehi tay ki jaani chaahiye. iske pehle, ravivaar ko neeteesh ne Facebook par bhi nai sarkaar se Bihar ki apekshaaen ginaai thi, jismein Bihar ko vishesh raajya ka darja diye jaane, vishesh package aur lambit rel pariyojanaaon ko jald poora karne ki baat shaamil hai. Neeteesh ne likha hai, hamaari apekshaaon ka aadhaar hai Bihar ka vikaas tatha desh mein vikaas ki samaanata.

Neeteesh Kumar Ne Narendra Modi Ko Shubhakaamanaaen Di https://www.angrejinews.com/pic/51777