Neeteesh Kumar Ne BJP Ki Rananeeti Par Fera Paani

Breaking »

Neeteesh Kumar Ne BJP Ki Rananeeti Par Fera Paani

manjari chaturvedi nai Delhi. . BJP UPA sarkaar par lagaataar lag rahe ghotaalon ke sangeen aaropon ko lekar Manmohan sarkaar ko sansad se sadak tak gherane mein lagi hai. Aise mein neeteesh Kumar ne BJP ki rananeeti par paani fer diya hai. Ek taraf BJP ko UPA ke sahayogi maayaavati aur mulaayam se ummeed thi ki rel mantri pavan bansal ke isteefe ki maang par inse samarthan milega lekin neeteesh ne hi daga day diya. Neeteesh Kumar ne kaha ki naitikta ke aadhaar par isteefa dena vyaktigat soch hai. Iske liye kisi ko majaboor naheen kiya ja sakta. Unhonne kaha ki rel rishvat maamale mein jaanch chal rahi hai aise mein intajaar karna chaahiye. Neeteesh ke is stand se Congress ko nai oorja mil gayi hai. Doosari taraf maayaavati aur enaseepi bhi bansal ke paksh mein hain. Congress ne ek baar fir apne do keindreeya mantriyon ke isteefe ki maang ko poori tarah se najaraandaaj kar diya hai. Yahi naheen, Congress ne vipaksh ke hamle ka datakar mukaabala karne ki thos rananeeti bhi banaai hai. Daraasal, jaise-jaise vakt beet raha hai, vaise-vaise Congress apne rukh ko aur adhik aakraamak banaate hue apne tayashuda ajeindon ko poora karne ki neeti par amal karne mein juti hai. Haalaanki Congress ke ye tevar pichhle hafte hui kor gup ki baithak mein hi tay ho gaye the, lekin somvaar ko rel mantri pavan Kumar bansal ko lekar jis tarah se kuchh raajaneetik dalon ne sarkaar ke stand ki baiking ki hai, use bhi sarkaar apne liye ek positive sanket maan rahi hai. Congress ko lag raha hai ki isteefa ki maang ko lekar BJP kaheen na kaheen akeli pad rahi hai. Gaurtalab hai ki enaseepi, BSP aur JDU ne saaf taur par kaha hai ki bansal ko isteefa dene ki koi jaroorat naheen hai. Ateet se seekha sabak bhrashtaachaar ya kisi anya vivaad ko lekar Congress ab jaldabaaji mein apne kisi mantri ya jimmedaar pad ki bali lene ke mood mein naheen hai. Shuroo mein Congress ne corruption ko lekar jeero taulareins ki neeti apnaai thi, jiske chalte usane Maharashtra ke poorv CM ashok chavhaan va keindeeya raajya mantri shashi tharoor jaise netaaon ki bali chadhaai thi. Aage chalakar is donon hi maamalon mein koi thos baat saamane naheen I. Baavajood iske, party par lagaataar bhrashtaachaar ke aarop lagte rahe. Aise mein party ko lagta hai ki jab tak kisi bhi aarop ko lekar thos saboot naheen aate, tab tak us par kaarravaai theek naheen hogi. Bansal aur ashvini par vet aind vauch Congress sootron ke mutaabik, ashvini ke maamale mein 8 May ke Supreme court ke rukh ka intajaar hai, to bansal ke maamale mein party ki lagta hai ki jab tak koi thos saboot unke khilaaf naheen aate, jab tak is baare mein koi kadam naheen uthaaya jaae. Karnataka ke nateeje Congress ko lagta hai ki Karnataka ke nateeje agar usaki ummeed ke mutaabik aate hain, to kendra mein bhrashtaachaar ka mudda uthaane waali BJP ke teekhe hamle apne aap naram honge. Nateejon se saaf ho jaaega ki bhrashtaachaar ko lekar logon ne BJP ko nakaara hai, na ki Congress ko. Bachaav naheen, aakraman ki rananeeti kuchh samay pehle tak difeinsiv khelati I sarkaar aur Congress party ab poori tarah se ofeinsiv tevaron ke saath saamane hai. Party ne tay kiya hai ki vipaksh ke aaropon ko sunane aur use jhelne ki bajaay palatakar us par poori taakat se hamla kiya jaae. Iske saath hi party ne logon mein apni imej sudhaarane ki disha mein gambhir kavaayad shuroo kar di hai. Haal hi mein party ne na sirf apne pravaktaaon ki taadaad badhaai hai, balki pravaktaaon ko sarkaar va party ka paksh rakhane ke liye vishesh tening dene ki yojana par bhi kaam shuroo kiya hai. Logon ko kehne do, apna kaam karo sarkaar ne shor sharaabe ke beech somvaar ko food security bill par Loksabha mein charcha karaakar saaf sanket diya hai ki vah aarop va hangaame se darane ki bajaay desh ke liye jaroori yojanaaon aur bilon ko aage badhaane par kaam karegi. Iske jariye Congress janta mein yah sanket bhi dena chaahati hai ki vah janakalyaan ke kaamon ko aage badhaane ke liye aalochanaaon ki paravaah naheen karti. Congress ke ek senior neta ke mutaabik, aam chunaavon ke maddenajar ab hamaara rananeeti vipaksh se ulajhane se jyaada apne jaroori kaamon aur yojanaaon ko niptaane ki hai.

Neeteesh Kumar Ne BJP Ki Rananeeti Par Fera Paani https://www.angrejinews.com/pic/7876