Neeteesh Kumar Ko Saath Laane Ke Liye Manmohan Ka Master Stroke

Breaking »

Neeteesh Kumar Ko Saath Laane Ke Liye Manmohan Ka Master Stroke

Mahendra sinhanai Delhi. . Bihar ke mukhyamantri ke neeteesh Kumar ko UPA sarkaar apne paale mein laane ke liye naya paasa feinkane waali hai. 12veen panchavarsheeya yojana (2012-17) mein Bihar ko khaas madad ke roop mein 12 hajaar karod rupae milna lagbhag tay hai. UPA sarkaar ka yah kadam neeteesh Kumar ko khush karne ki koshish ke roop mein dekha ja raha hai. UPA sarkaar ke manager neeteesh Kumar ko ek majaboot ghatak dal ke roop mein dekh rahe hain. Inhein poori ummeed hai ki Gujarat ke mukhyamantri Narendra Modi ko 2014 mein pradhaanamantri pratyaashi banaaya gaya to neeteesh Kumar NDA se alag hokar UPA mein shaamil ho sakte hain. Kendra special plaan ke tahat Bihar ko 12veen panchavarsheeya yojana mein yah fund dene ke liye cabinet not taiyaar kar raha hai. 11veen panchavarsheeya yojana ke antargat Bihar ko mile fund 5,500 karod ke mukaabale yah doguna se bhi jyaada hoga. Is faisale ka aadhikaarik kaaran hoga ki Bihar mein bhaari pichhdepan ko khatm karne liye aham faisala liya gaya hai. Jab Bihar se Jharkhand alag naheen huaa tha tab tak Bihar ko 1000 karod har saal vishesh madad di jaati thi. Bantavaare ke baad yah vishesh madad band ho gayi thi. Keindreeya cabinet ne 12veen yojana mein Bihar ke liye special aavantan ki prakriya tabhi aage badha di thi jab kendra sarkaar DMK ki samarthan vaapasi se sankat mein thi. Sootron ka kehna hai ki Bihar ko pichhda kshetr graant fund ke tahat bhi madad milne waali hai. Kendra sarkaar Bihar ke liye pichhdepan ke maanadandon mein ferabadal karne ja rahi hai. Pichhdepan ke maanadandon mein kendra 2011 ki janaganana ke aadhaar par ashiksha, berojgaari aur bijli jaise kaarakon ko shaamil karne vaala hai. Haalaanki neeteesh Kumar ne 20 hajaar karod rupae kendra sarkaar se maang ki hai. Yah pichhda kshetr graant fund ke lihaaj se sabse badi rakam hogi. Yah dekhna dilchasp hoga ki kya neeteesh Kumar 20 haajaar karod se kam ki rakam sveekaar kareinge. Doosari taraf UPA sarkaar ki najar uttar pradesh mein bundelakhand par bhi hai. 12veen yojana mein bundelakhand ke liye 4,400 karod ka fund manjoor hone ki poori ummeed hai. Congress har haal mein uttar pradesh mein badhiya pradarshan karne ke liye soch rahi hai. Rahul Gandhi ka bhi is kshetr par khaas dhyaan hai.

Neeteesh Kumar Ko Saath Laane Ke Liye Manmohan Ka Master Stroke https://www.angrejinews.com/pic/4777