Neeteesh Kumar Ka Mukhyamantri Pad Se Isteefa Dene Ka Nirnaya Antim Sharad Yadav

India »

Neeteesh Kumar Ka Mukhyamantri Pad Se Isteefa Dene Ka Nirnaya Antim  Sharad Yadav

Patna: Bihar mein badalate raajaneetik ghatnaakram ke beech jadayoo adhyaksh sharad Yadav ne kaha ki neeteesh Kumar ka mukhyamantri pad se isteefa dene ka nirnaya antim hai. jadayoo vidhaayak dal ki baithak se poorv sharad Yadav ne yeh baat kahi. Isse pehle kal neeteesh Kumar ne apna isteefa vaapas lene aur pad par bane rahane ke party vidhaayakon ke aagrah par nirnaya ke liye aaj tak ka samay maanga tha. unhonne kaha, yeh nirnaya (neeteesh Kumar ka isteefa) desh, party aur neeteeshaji ke hit mein hai. Yeh kathin nirnaya hai lekin antim aur sahi hai. to ab savaal yeh hai ki Bihar ki kamaan aakhir kiske haathon mein hogi. Isse pehle ravivaar ki baithak mein JDU ke sabhi vidhaayakon ka kehna tha ki agar neeteesh unki baat naheen maanate hain to vah bhi apna isteefa dekar dharane par baith jaaenge. Pehle to neeteesh Kumar naheen maane, lekin baad mein unhonne sochane ke liye ek din ka vakt maanga. Is beech Bihar BJP ke netaaon ne raajyapaal deevaai Patil se milkar kaha ki nai sarkaar ke gathan se pehle sabhi vidhaayakon se poochha jaae ki kya ve neeteesh ke saath hain. JDU ke neta sanjaya Singh ne kaha ki din mein vidhaayak dal ki baithak hogi. 2 baje mukhyamantri nirnaya sunaaenge aur uske baad vidhaayak dal ke log tay kareinge ki aage kya karna hai. haalaanki kuchh vidhaayak neeteesh ke dobaara mukhyamantri banane ka ab khulkar virodh bhi karne lage hain. Mahuaa se party ke vidhaayak Ravindra Yadav ne kaha ki media mein jo dikhaaya ja raha hai, vah poora sach naheen hai aur neeteesh ko apne pehle ke faisale par kaayam rahana chaahiye.

Neeteesh Kumar Ka Mukhyamantri Pad Se Isteefa Dene Ka Nirnaya Antim Sharad Yadav https://www.angrejinews.com/pic/50998