Nayi Audyogik Neeti Mein Desh Ko Vaishvik Aapoorti Shrrunkhala Se Jodne Par Rahega Jor Prabhu

Business »

Nayi Audyogik Neeti Mein Desh Ko Vaishvik Aapoorti Shrrunkhala Se Jodne Par Rahega Jor  Prabhu

Mumbai, 12 January (bhaasha) keindreeya mantri suresh prabhu ne shanivaar ko kaha ki sarkaar aisi nayi audyogik neeti pesh karne ja rahi hai taaki vaishvik companiyaan Bhaarat ko apne utpaadon ke vinirmaan aur aapoorti ki shrrunkhala mein jodne ko protsaahit hon. Unhonne kaha ki isse sambandhit sabhi pakshon ko laabh hoga. prabhu ne kaha ki aaj ke samay mein dusare deshon ke saath miljul kar hi kaarobaar badh sakta hai. unhonne desh ke vastu niryaat mein lagaataar ho rahi kami evam vaishvik vyaapaar ke liye badhti chunautiyon ke beech yeh baat kahi hai. ullekhaneeya hai ki America ke raashtrapati donaald trump dvaara unke vyaapaarik saajheedaaron par galat vyaapaar taur-tareeke apnaane ka aarop lagaane ke baad vishv vyaapaar sangathan (dablyooteeo) ke astitv par hi prashn chinh lagta najar aa raha hai. duniya ke sabse bade upabhokta America evam sabse bade utpaadak cheen ke beech vyaapaar yuddh se vaishvik arthavyavastha ki gati mand pad gayi hai. kaunfedareshan of Indian industry (CII) ki or se aayojit ek kaaryakram mein prabhu ne kaha, “apoori vinirmaan prakriya ek hi bhaugolik seema mein poori naheen ho sakti; iske liye vaishvik moolya shrrunkhala, vaishvik aapoorti shrrunkhala ki jaroorat hoti hai. Isliye ham nayi audyogik neeti par charcha kar rahe hain aur hamaare mantraalaya ne use antim roop de diya hai. Nayi audyogik neeti ko mantrimandal ki manjoori milne ka intajaar hai. Is nayi neeti mein paarasparik roop se laabhadaayak moolya shrrunkhala aur aapoorti shrrunkhala banaaye jaane par jor hai. ”.

Nayi Audyogik Neeti Mein Desh Ko Vaishvik Aapoorti Shrrunkhala Se Jodne Par Rahega Jor Prabhu https://www.angrejinews.com/pic/247323