Naveen Ne Kendra Ke Saamane Rakheen Apni Lambit Maangein

India »

Naveen Ne Kendra Ke Saamane Rakheen Apni Lambit Maangein

pras. Nai Delhi : Bihar, Orissa aur doosare raajyon ko pichhde raajya ka darja milne ki sambhaavnaaon ke beech Orissa ke mukhyamantri naveen patanaayak ne guruvaar ko Delhi pahanuchakar apni lambit maange kendra sarkaar ke saamane rakheen. Unhonne jal sansaadhan mantri hareesh raavat se mulaakaat kar apne raajya se jude vibhinn muddon par vichaar vimarsh kiya aur maang ki ki polaavaram project se jude vivaad ko hal karne ke liye keind sarkaar kadam uthaae. Patanaayak ne baad mein patrakaaron se kaha ki unhonne sarkaar se anurodh kiya ki polaavaram pariyojana se jude vivaad ko hal kiya jaae aur anya raajyon se jude muddon ke hal tak is pariyojana ka kaaryaanvayan rok diya jaae. Naveen patanaayak ne yah bhi kaha ki Orissa ko vishesh darja diye jaane ka mudda vah vibhinn manchon par uthaate rahe hain. Patanaayak ki maang par sakaaraatmak rukh dikhaate hue hareesh raavat ne kaha ki vah bahut jald Orissa, Chhattisgarh aur Andhra, pradesh ke sinchaai sachivon ki baithak bula rahe hain jismein is mudde ka hal nikaalne ki koshish kareinge.

Naveen Ne Kendra Ke Saamane Rakheen Apni Lambit Maangein https://www.angrejinews.com/pic/3773