Navaaj Shareef Ka Teesari Baar PM Banana Tay

World »

Navaaj Shareef Ka Teesari Baar PM Banana Tay

Islamabad/Lahore. . PML-N party ke neta navaaj shareef ka teesari baar desh ka pradhaanamantri banana tay hai. Poorv mein sainya takhtaapalat ka shikaar hue aur desh se nirvaasit kar diye gaye shareef ki aam chunaavon mein shaanadaar vaapasi hui hai. Unki party bahumat ke 137 ke aankade ke kareeb pahunch gayi hai. 272 mein se aae 261 seaton ki parinaamon mein PML(N) 124 seaton ke saath sabse aage hain. Cricketer Imran Khan ki party PTI 32 seaton ke saath doosare aur Zardari ki party PPP 28 seaton ke saath teesare number par hai. Navaaj shareef ko duniyaabhar se badhaai sandesh milne lage hain. Bhaarat ke pradhaanamantri Manmohan Singh ne bhi unhein badhaai aur Bhaarat aane ka nyota diya hai. (dekhein kis party ko kitni seatein mileen)padhein: Pakistan chunaav coverage par LIVE blog taalibaan ki dhamakiyon aur hinsa se prabhaavit aam chunaav mein laakhon logon ne mat daale. Desh ke 66 saal ke itihaas mein ek asainya sarkaar ke kaaryakaal poora karne ke baad doosari asainya sarkaar ke chayan ke liye hue pehle chunaav mein hinsa mein 24 log maare gaye. Shareef ne shanivaar der raat gruhanagar Lahore mein apne utsaahit samarthakon ko sambodhit karte hue apni party ki jeet ka daava kiya aur logon se kaha ki vah unki party ko 'Poorn bahumat' milne ki duaa karein taaki unhein ek kamjor gathabandhan ka netrutv na karna pade. Shareef ne kaha, 'Nateeje abhi aa hi rahe hain lekin yah baat tay hai ki PML-N chunaav mein sabse badi party bankar ubhari hai. '' shareef ne kaha, ''Main aapse yah duaa karne ke liye kehta hoon ki subah aane vaale nateejon mein PML-N ko bina kisi baahari samarthan ke sarkaar banaane ka mauka mile aur party ko kisi aur ka samarthan na jutaana pade. '' shareef ne chunaavi prachaar ke dauraan kiye gaye vaadon ko nibhaane ki bhi baat kahi. Inmein bijli sankat, arthavyavastha ko durust karne aur bhrashtaachaar se nipatne ke vaade shaamil hain. Eksaparts ke anusaar PML-N ke achhe pradarshan se shareef ko nirdaleeya ummeedavaaron aur jameeyat ulema A islaam jaisi chhoti dakshinpanthi paartiyon ke samarthan se kendra mein sarkaar ke gathan mein madad milegi. Sootron ne PTI se kaha ki PML-N ko sarkaar ke gathan ke baad peepeepi ke saath kaam karne se gurej naheen hoga kyonki party neta, Imran Khan ki Pakistan tahareek-A-insaaf ke saath gathabandhan karne ko utsuk naheen hain. Saadhaaran bahumat ke liye kisi party ya gathabandhan ke paas naishanal assembly mein 137 seatein honi chaahiye. Naishanal assembly ki 342 seaton mein se 272 ke liye chunaav hue the aur baaki 70 seatein mahilaaon aur gair-muslimon ke liye aarakshit hain jinhein chunaav mein dalon ke pradarshan ke aadhaar par unamein vitrit kiya jaaega.

Navaaj Shareef Ka Teesari Baar PM Banana Tay https://www.angrejinews.com/pic/8419