Nausainikon Ki Vaapasi Par Italy Mein Virodh, Videsh Mantri Ne Diya Isteefa

World »

Nausainikon Ki Vaapasi Par Italy Mein Virodh, Videsh Mantri Ne Diya Isteefa

Rom. . Italy ke videsh mantri giuliyo teraji ne apne pad se isteefa day diya hai. Do bhaarateeya machhuaaron ki hatya ke aaropi itailiyn sainikon ko pehle Bhaarat bhejane se mana karne aur fir Bhaarat ke sakht rukh ke baad bhejane ke faisale se Italy mein kaafi aakrosh tha. Is maamale mein videsh mantri ne isteefa day diya hai. Haalaanki shukravaar ko hi Italy sarkaar ne videsh mantri ko talab kiya tha. Tab se hi maana ja raha tha ki unase isteefa le liya jaaega. Italy ne dobaara Bhaarat ke is aashvaasan par apne nausainikon ko bheja tha ki unhein maut ki saja naheen di jaaegi. Lekin donon nausainikon ko Bhaarat vaapas bheje jaane ke faisale se Italy ki aantarik raajaneeti mein toofaan aa gaya tha. Logon mein aakrosh tha ki India ke kade tevar ke samaksh Italy jhuka kyon? Vahaan ke sthaaneeya logon ka kehna tha ki nausainikon ko yahaan se jaane ka man bilkul naheen tha. Unke parivaar vaale is faisale se behad aahat hain. Iske baad se hi maana ja raha tha ki Italy ke videsh mantri par gaaj giregi. Giuliyo teraji ne mangalvaar ko kaha ki donon nausainikon ko vaapas Bhaarat bhejane ke baad desh mein ho rahe virodh ki vajah se main apne pad se isteefa day raha hoon. Mainne 40 saalon tak apne mulk ki pratishtha kaayam rakhane ki bharpoor koshish ki hai

Nausainikon Ki Vaapasi Par Italy Mein Virodh, Videsh Mantri Ne Diya Isteefa https://www.angrejinews.com/pic/3464