Naurth Korea Ka Khatra, America Bhi Hai Taiyaar

World »

Naurth Korea Ka Khatra, America Bhi Hai Taiyaar

Washington. . Naurth Korea ki taraf se kisi parmaanu khatre ke maddenajar America poori tarah taiyaar hai. America ne Koreai praayadveep mein badhte tanaav ke beech Budhvaar ko kaha ki usane apne sahayogiyon ke saath milkar naurth Korea ki ukasaave waali kaarravaaiyon ke khilaaf yojana taiyaar ki hai. Ukasaava virodhi yojana: Pentagon ke press sachiv George little ne kaha, humne dakshin Koreai sahayogiyon ke saath milkar yojanaaen taiyaar ki hain. Haalaanki, svaabhaavik taur par hamein ummeed hai ki kabhi inka upayog naheen karna padega. Unhonne kaha ki yojana ka netrutv dakshin Korea ke jauint cheef of staaf kareinge. Little ne kaha ki nai yojana taiyaari sambandhi rukh sudhaarati hai aur hamein uttar Korea ke kisi ukasaave ka turant aur nirnaayak javaab dene ki ijaajat deti hai. Baharahaal, unhonne is baare mein jyaada kuchh naheen bataaya. Naurth ke paas hai baatcheet ka vikalp: America ne parmaanu taakat ke taur par naurth Korea ki sveekruti ko spasht taur par khaarij kar diya hai. Usaka kehna hai ki naurth ke paas parmaanu nishstreekaran sambandhi baatcheet mein shaamil hone ka vikalp bacha huaa hai. Ameriki videsh mantri John keri ne kaha ki agar naurth Korea gambhir hai, ukasaave vaala ravaiya chhodkar baatcheet ke liye taiyaar hai to ham bhi aisa karne ko taiyaar hain. Hamaari koshish shaanti bahaal karna hai. Lekin shaanti ka matlab parmaanu taakat se lais naurth Korea ko sveekaar karna naheen hai. Cheen se baatcheet ki: Naurth Korea ke masale par ameriki raksha mantri chak hegal ne Budhvaar ko cheen ke raksha mantri se baatcheet ki. Pentagon ke press sachiv George little ne donon netaaon ke beech hui baatcheet ke baad kaha, hegal ne cheeni raksha mantri ke saath naurth Korea ke parmaanu khatre ke maddenajar baatcheet ki. Hegal ne is dauraan naurth Korea dvaara parmaanu hathiyaaron aur bailastik misaail kaaryakramon ki or aakraamak roop se badhne se America aur hamaare sahayogi deshon ke saamane ubhar rahe khatre par jor diya.

Naurth Korea Ka Khatra, America Bhi Hai Taiyaar https://www.angrejinews.com/pic/4330