Naukriyaan Khatm Karne Vaale Pradhaanamantri Hain Modi, Rojagaar Hoga Desh Ka Ajeinda Congress

Breaking »

Naukriyaan Khatm Karne Vaale Pradhaanamantri Hain Modi, Rojagaar Hoga Desh Ka Ajeinda Congress

Nai Delhi Congress ne desh mein berojgaari ke bhayaavah star par pahunchane ka daava karte hue Budhvaar ko Narendra Modi sarkaar par hamla bola. Congress party ne aarop lagaaya ki Narendra Modi naukriyaan khatm karne vaale pradhaanamantri hain. Saath hi party ne kaha ki is chunaav mein rojagaar hi desh ka ajeinda hoga. Party adhyaksh Rahul Gandhi ki Budhvaar ki ghoshana ki prushthabhoomi mein party ke mukhya pravakta Randeep surajevaala ne kaha ki sarkaar banane par 33 feesadi aarakshan ke jariye sarkaari naukariyon mein mahilaaon ki samuchit bhaageedaari sunishchit ki jaaegi tatha rojagaar srujan ko sabse bada lakshya banaakar kaam kiya jaaega. Padhein: Congress ki first faimili par Jaitley ka bada ataik Surajevaala ne kaha, 'Agar rojagaar naheen to BJP ko vote naheen. 2019 ka yahi mantra hai. ' unhonne aarop lagaaya, 'Modi sarkaar is desh mein berojgaari ka paryaayavaachi ban gayi hai. Modi 2 karod naukriyaan dene ka vaada karke aae the, lekin berojgaari apne uchchatam star par pahunch gayi hai. ' surajevaala ne daava kiya, 'Roti naheen hai, rojagaar naheen hai. Yuva padhe-likhe hain aur ve aage badhna chaahate hain lekin unhein avsar naheen mil rahe hain. Modi ji naukariyon ko khatm karne vaale pradhaanamantri ban gaye hain. ' Karnataka: Congress 20, JDS 8 seaton par ladegi Unhonne kaha ki neeti aayog ne February, 2018 mein sveekaar kiya ki rojagaar ki sthiti theek naheen hai. Congress neta ne kaha ki railway mein 90 hajaar naukriyaan nikleen aur do karod 80 lakh logon ne aavedan diya. Yeh desh mein berojgaari ki sthiti hai. Unhonne kaha, 'Bhaarat mein har saal 1.2karod naukariyon ke srujan ki jaroorat hai. Congress rojagaar srujan ko lekar pratibaddh hai. Sarkaar banaane ke baad ham krushi kshetr, chhote evam majhole kaarobaaron ko majabooti pradaan kareinge. ' Padhein: Congress ne jaari ki ummeedavaaron ki doosari list Unhonne kaha ki rojagaar paida karna Congress aur Rahul Gandhi ke liye sabse bada lakshya hai. Surajevaala ne party adhyaksh Rahul Gandhi ki Budhvaar ki ghoshana ka havaala dete hue kaha ki chunaav baad sarkaar banane par saarvajanik upakramon evam raajya sarkaaron ki naukariyon mein mahilaaon ke liye 33 feesadi aarakshan diya jaaega. Ek savaal ke javaab mein unhonne yeh bhi kaha ki jaroorat padi to kaanoon ka sahaara bhi liya jaaega. Unhonne kaha ki rojagaar is desh mein sabse bada bhaavanaatmak mudda hai.

Naukriyaan Khatm Karne Vaale Pradhaanamantri Hain Modi, Rojagaar Hoga Desh Ka Ajeinda Congress https://www.angrejinews.com/pic/261017