Nasheed Ne 11 Din Baad Bhaarateeya Uchchaayog Chhoda

Breaking »

Nasheed Ne 11 Din Baad Bhaarateeya Uchchaayog Chhoda

Maale: Maaladeev ke poorv raashtrapati mohammad nasheed 11 dinon baad shanivaar ko bhaarateeya uchchaayog se baahar aae. Ek adaalat se giraftaari warrant jaari hone ke baad nasheed ne bhaarateeya uchchaayog mein sharan le li thi. Bhaarateeya samayaanusaar shaam 4: 15 baje nasheed bhaarateeya uchchaayog se baahar aae. Unhonne bhaarateeya uchchaayukt DM mule samet uchchaayog ke anya karmachaariyon ka shukriya ada kiya. Unhonne kaha, "Panaah ke dinon mein aapke upakaar aur aatithya ke liye shukriya. " Nasheed ke bhaarateeya uchchaayog kaaryaalaya ke baahar nikalne ki jaankaari milne ke baad unhein badhaai dene ke liye badi sankhya mein unke samarthak jama ho gaye. Bhaarateeya videsh mantraalaya ne kaha, "Aaj ki upalabdhi ke baad yah aasha ki jaati hai ki poorv raashtrapati nasheed fir se saamaajik aur raajaneetik jeevan bahaal kar sakeinge. " Mantraalaya ne kaha hai, "Maaladeev ke poorv raashtrapati nasheed 13 February ko apni ichha se bhaarateeya uchchaayog mein aae aur baahar aane ka faisala bhi unheen ka hai. " Dharubaaruge kanveinshan center par samvaadadaataaon ko sambodhit karte hue nasheed ne ummeed jataai ki ve apni saamaajik aur raajaneetik gatividhi jaari rakh sakeinge. Raashtrapati rahate hue aaparaadhik nyaayaalaya ke mukhya nyaayaadheesh abdulla mohammad ko gairkaanooni bandhak banaane sambandhi maamale ki or ishaara karte hue nasheed ne kaha, "Main naheen maanata ki chunaav ke baad tak mere khilaaf maamale ki sunavaai rok dene se kisi naagrik ke adhikaar ka ullanghan hoga. " unhonne kaha, "Main is samajhadaari ke saath baahar aaya hoon ki main shaantipoorvak raajaneetik gatividhi aur apna saamaajik jeevan ji sakoonga. " unhonne samvaadadaataaon se kaha, "Main maanata hoon ki jin muddon par ham asahamat hain unapar maaladeev ki sarkaar ke saath ham samjhauta kar sakte hain. " Nasheed ne yah bhi kaha ki unhein ummeed hai ki 7 September ko hone vaale raashtrapati chunaav ke sabhi pratyaashiyon ko svatantr roop se chunaav ladne diya jaaega. Maaladeev mein lokatantr ke samarthan ke liye unhonne antararaashtreeya samudaaya ko dhanyavaad diya aur kaha ki raashtrapati chunaav svatantr evam nishpaksh hone chaahiye. Budhvaar ko bhaarateeya videsh mantraalaya mein sanyukt sachiv harsh vardhan shreengala ke netrutv mein chaar sadasyeeya bhaarateeya pratinidhimandal maale pahuncha. Pratinidhimandal ne maaladeev sarkaar ke varishth pratinidhiyon, sabhi badi paartiyon ke netaaon aur svatantr sansthaaon ke pramukhon ke saath baatcheet ki. Ek bayaan mein Bhaarat ne maaladeev ki sabhi badi paartiyon se shaanti aur dhairya banaae rakhane ki appeal ki hai aur donon deshon ke beech sakaaraatmak sambandh jaari rahane ki ummeed jataai hai.

Nasheed Ne 11 Din Baad Bhaarateeya Uchchaayog Chhoda https://www.angrejinews.com/pic/2659