Nasheed Ko Lekar Gatirodh Barkaraar, Pramukh Mantriyon Se Mila Bhaarateeya Dal

Breaking »

Nasheed Ko Lekar Gatirodh Barkaraar, Pramukh Mantriyon Se Mila Bhaarateeya Dal

Maale: Bhaarateeya uchchaayog mein sharan liye maaladeev ke poorv raashtrapati mohammad nasheed aur maaladeev ki sarkaar ke beech gatirodh bana huaa hai. Bhaarateeya videsh mantraalaya ke dal aur maaladeev ke pramukh mantriyon ke beech hui baatcheet ke baavajood sthiti ke samaadhaan ka koi sanket naheen hai. Adhikaariyon ka kehna hai, ''Koi nai pragati naheen hui hai. Baatcheet ab bhi chal rahi hai. Filhaal sthiti ke samaadhaan ka koi sanket naheen mila hai. '' ab tak ki pragati ke baare mein poochhe jaane par maaladeev ke raashtrapati mohammad nasheed ke pravakta masood imaam ne kaha, ''Yah gatirodh hai. Kisi ko raasta dena hoga. Bhaarat sarkaar jaanti hai ki hamaare yahaan mahaabhiyojak svatantr hain aur sarkaar dakhal naheen day sakti. '' Imaam ke anusaar yahaan vibhinn pakshon se mulaakaat ke baad bhaarateeya adhikaariyon ne is baat par jor diya ki maujooda sthitiyon se dwipaksheeya sambandhon par koi prabhaav naheen padne dena chaahiye. Bhaarateeya adhikaariyon ke dal ne maaladeev ke videshamantri abdul samad abdulla, raksha mantri mohammad naajim, vakeelon tatha kuchh anya mahatvapoorn logon se baatcheet ki hai. Inhonne nasheed aur raashtrapati pad ke majaboot daavedaar maane ja rahe abdulla yaameen se bhi vistrut baatcheet ki hai.

Nasheed Ko Lekar Gatirodh Barkaraar, Pramukh Mantriyon Se Mila Bhaarateeya Dal https://www.angrejinews.com/pic/2516