Narendra Modi Ne 29vein Raajya Ke Roop Mein Telangaana Ka Kiya Svaagat

Breaking »

Narendra Modi Ne 29vein Raajya Ke Roop Mein Telangaana Ka Kiya Svaagat

Nai Delhi: pradhaanamantri Narendra Modi ne aaj telangaana gathan ki saraahana ki aur raajya ko pragati ki nai oonchaaiyon tak pahunchane mein kendra ki poori sahaayata muhaiya karaane ka vaada kiya. unhonne 29vein raajya ka pehla mukhyamantri banane par ke chandrashekhar Rao ko badhaai di aur vahaan ke logon ko shubhakaamanaaen di. unhonne tweet kiya, Bhaarat ko mila ek naya raajya. Ham apne 29vein raajya ke taur par telangaana ka svaagat karte hain. Aagaami varshon mein hamaari vikaas yaatra mein telangaana majabooti dega. Unhonne kaha hai, kendra raajya ko pragati ki nai oonchaaiyon tak le jaane ke liye pradesh ki janta aur telangaana sarkaar ko poorn samarthan ka bharosa dilaata hai. Varshon ke sangharsh aur kai logon ke balidaan ke baad telangaana ke janm ka ullekh karte hue Modi ne kaha, ham aaj unhein apni shraddhaanjali arpit karte hain. pradhaanamantri ne kaha, raajya ki vikaas yaatra ke liye logon ko meri shubhakaamanaaen. Navagathit raajya telangaana ke mukhyamantri ke taur par ke chandrashekhar Rao ne aaj shapath li. ke chandrashekhar Rao ke shapath grahan ke baad desh ke gruhamantri Rajnath Singh ne tweet kar badhaai di hai. Nae raajya telangaana ke pehle mukhyamantri ke taur par shapath lene par ke chandrashekhar Rao ko badhaai. Meri shubhakaamanaaen unke saath hain. vaheen telangaana ke alag raajya ban jaane ke baad poorv pradhaanamantri Manmohan Singh ne bhi telangaana ki janta ko badhaai di hai. Manmohan Singh ke netrutv waali UPA sarkaar ne hi alag telangaana raajya ke gathan ka faisala kiya tha. Apne sandesh mein Manmohan Singh ne kaha ki telangaana raajya ki janta ke gauravashaali bhavishya aur khushahaali ke liye shubhakaamanaaen.

Narendra Modi Ne 29vein Raajya Ke Roop Mein Telangaana Ka Kiya Svaagat https://www.angrejinews.com/pic/52493