Narendra Modi Ko Raashtrapati Pranab Mukharji Ne Diya Sarkaar Banaane Ka Nyota, 26 Ko Leinge Shapath

Breaking »

Narendra Modi Ko Raashtrapati Pranab Mukharji Ne Diya Sarkaar Banaane Ka Nyota, 26 Ko Leinge Shapath

Nai Delhi: BJP ke baad NDA ne Narendra Modi ko aam rai se sansadeeya dal ka neta chun liya, jiske baad NDA ke netaaon ne raashtrapati se mulaakaat kar 335 saasandon ke samarthan ka patra raashtrapati ko saunp sarkaar banaane ka daava pesh kiya. Iske baad raashtrapati se Narendra Modi milne pahunche, jahaan unhonne Narendra Modi ko sarkaar banaane ka nyota diya. Ab Narendra Modi 26 May ko shaam 6 baje pradhaanamantri pad ki shapath leinge. Is shapath grahan samaaroh mein 3000 mehmaan shirkat kareinge. sansadeeya dal ka neta chune jaane ke baad Modi ne apne NDA ke sahayogiyon se kaha ki yeh sarkaar sab ki hai. Sabko milkar sarkaar chalaani hai. unhonne Andhra pradesh se aae chandrabaaboo naayadu ka vishesh jikr karte hue kaha ki unhein poorn bahumat se chune jaane par badhaai. Shiv sena pramukh ne Modi se kaha ki poora Maharashtra aapke saath hai. Vaheen tamaam NDA ke anya dalon ke netaaon ko bhi Modi ne dhanyavaad diya. BJP sansadeeya dal ki baithak mein aaj BJP ke varishth neta Lal Krishna Advani ne Narendra Modi ke naam ka prastaav kiya, jiska murali manohar Joshi, veeinkaiya Naidu, nitin gadkari, Sushma Swaraj, kariya munda, arun jetali, ravishankar prasaad aur mukhtaar Abbas nakavi ne anumodan kiya, jiske baad Modi aam rai se BJP sansadeeya dal ke neta chun liye gaye. Narendra Modi aaj pehli baar sansad bhavan pahunche the. Vahaan pahunchakar unhonne pehle seedhiyon par maatha teka aur fir aage badhe. ab baat us mantrimandal ki, jo Gujarat bhavan se lekar keshav kunj aur Rajnath Singh ke ghar tak banaaya ja raha hai. Haalaanki yeh banega sirf ek shakhs ke ishaare par aur vah hain Narendra Modi. Vah jise chaaheinge, vah mantri hoga. Unke paas ek viraat bahumat hai. 282 seatein BJP ki hain aur NDA ke baaki do darjan dalon se jyaada dalon ki kul saade teen darjan se kuchh jyaada seatein. aisa viraat bahumat kaam aasaan bhi karta hai aur mushkil bhi. Modi jise chaahein chun lein, lekin jise chhodeinge vah kuchh dukhi hoga. Savaal yeh bhi hai ki unki sarkaar mein daliton, pichhdon, alpasankhyakon aur mahilaaon ki numaaindagi karne vaale chehare kaun honge. Filhaal yeh bataaya ja raha hai ki Narendra Modi gruh mantraalaya bhi apne paas rakh sakte hain, haalaanki bataaya ja raha hai ki Rajnath Singh bhi yeh mahakama chaahate hain, lekin agar ve sarkaar mein shaamil hue to unhein raksha mantraalaya diya ja sakta hai. Vaise party ke bheetar cabinet ko lekar aisi atkalon par koi bhi kuchh bolne ko taiyaar naheen hai. vitt mantraalaya ko lekar arun shauri aur arun jetali ka naam saamane aa raha hai. Haalaanki shauri ko shaamil karne par Modi ko virodh jhelana pad sakta hai.

Narendra Modi Ko Raashtrapati Pranab Mukharji Ne Diya Sarkaar Banaane Ka Nyota, 26 Ko Leinge Shapath https://www.angrejinews.com/pic/51143