Narendra Modi Ki Maan Va Patni Ko Milegi Esapeeji Suraksha

Breaking »

Narendra Modi Ki Maan Va Patni Ko Milegi Esapeeji Suraksha

File photo File photo New Delhi: is baar ke aam chunaav se pehle tak sarkaari record mein shaadi ka column chhodne vaale Narendra Modi ki 'Parityakt' patni bhi esapeeji ki suraksha mein raheingi. Suraksha adhikaariyon ke mutaabik desh ke 14vein pradhaanamantri ke roop mein 26 May ko Narendra Modi ke shapath lene ke baad unki maan aur unki patni ko special protekshan group (esapeeji) ki suraksha muhaiya kara di jaaegi. ek adhikaari ne apna naam jaahir naheen hone dene ki shart par bataaya, "Modi ki maan heeraaben aur patni jasodaaben ko bhi esapeeji ki suraksha muhaiya hogi. Lekin unke teen bhaaiyon aur do bahanon ko raajya sarkaar dvaara Z shreni ki suraksha di jaaegi. " Modi ki patni aur maan ke saath hi saath unke bhaai aur bahanein Gujarat mein rahati hain. Modi apni patni se alag rahate hain. sootron ne kaha ki maan aur patni ki suraksha ke liye jaroorat ka aankalan karne ke liye esapeeji ke commando Gujarat bheje ja chuke hain. adhikaariyon ne bataaya ki raajya police ko bhi unke bhaaiyon aur bahanon ki suraksha ka jaayaja lene ka nirdesh diya gaya hai aur uske anusaar suraksha muhaiya karaane ke liye kaha gaya hai. Modi ke bade bhaai som svaasthya vibhaag se sevaanivrutt karmachaari hain aur Ahmedabad mein old ej hom chalaate hain. Modi iske baad aate hain. Teesare number ke bhaai prahalaad Ahmedabad mein ek dukaan chalaate hain, jabki chauthe bhaai pankaj Gandhinagar mein Gujarat sarkaar ke soochana vibhaag mein klark hain.

Narendra Modi Ki Maan Va Patni Ko Milegi Esapeeji Suraksha https://www.angrejinews.com/pic/51418