Narendra Modi Ke Shapath Grahan Samaaroh Mein Naheen Aaenge Superstar Rajnikant

Breaking »

Narendra Modi Ke Shapath Grahan Samaaroh Mein Naheen Aaenge Superstar Rajnikant

Nai Delhi: manoneet pradhaanamantri Narendra Modi ke shapath grahan samaaroh mein superstar Rajnikant shaamil naheen honge. Daraasal, Rajnikant, Salman Khan, lata mangeshakar aur Amitabh Bachchan sahit un sitaaron mein shaamil the, jinhein raashtrapati bhavan mein Narendra Modi ke shapath grahan samaaroh ke liye aamantrit kiya gaya tha. sootron ke mutaabik, Rajnikant ne shreelankaai raashtrapati mahinda raajapakshe ko diye gaye nimantran ko lekar Tamil Nadu mein ho rahe virodh pradarshan ke chalte na jaane ka faisala kiya hai, lekin Rajnikant ki or se bayaan aaya hai ki vah Hyderabad mein ek film ki shooting sambandhi vyastata ke kaaran naheen aa rahe hain. Tamil Nadu ki mukhyamantri jayalalita, jinke Narendra Modi ke saath achhe sambandh maane jaate hain, ne bhi is kaaryakram ka baayakaut kiya hai. Saath hi vah is kaaryakram mein apna koi pratinidhi bhi naheen bhej rahi hain. Unhonne raajapakshe ko diye nimantran ko 'Durbhaagyapoorn' aur tamilon ki bhaavanaaon ko chot pahunchaane vaala bataaya hai. gaurtalab hai ki Narendra Modi chunaav prachaar ke dauraan Rajnikant se unke ghar par mile the. Haalaanki donon ne is mulaakaat ko raajaneeti se door bataaya tha, yadyapi Rajnikant ke laakhon ke prashansak hone ki vajah se tamaam raajaneta unke ghar jaate rahate hain.

Narendra Modi Ke Shapath Grahan Samaaroh Mein Naheen Aaenge Superstar Rajnikant https://www.angrejinews.com/pic/51753