Narendra Modi Ke Shapath Grahan Samaaroh Ke Liye Raashtrapati Bhavan Taiyaar

Breaking »

Narendra Modi Ke Shapath Grahan Samaaroh Ke Liye Raashtrapati Bhavan Taiyaar

Nai Delhi: Bhaarat ke 15 vein pradhaanamantri ke roop mein Narendra Modi ka shapath grahan samaaroh, atithiyon ki soochi ke lihaaj se raashtrapati bhavan mein ab tak ayojit sabse bada kaaryakram hoga, jismein dakshes deshon ke netaaon sahit 4,000 se adhik log shareek honge. yeh pehla avsar hai jab raashtrapati bhavan mein itni adhik sankhya mein log jut rahe hain, jahaan ab tak hue sabse bade samaarohon, jaise ki ganatantr diwas aur svatantrata diwas ke avsar par hone vaale 'Jalapaan kaaryakram' mein adhiktam 1500 se 2,000 atithi shareek hue hain. raashtrapati Pranab mukharji ki press sachiv omita paul ne bataaya ki 1990 mein chandrashekhar aur 1998 mein atal bihaari Vajpayee ka shapath grahan samaaroh raashtrapati bhavan ke praangan mein hua tha aur unamein 1,200 se 1,300 atithi shareek hue the. Omita ne bataaya ki Modi ke shapath grahan samaaroh mein kareeb 4,000 logon ke jutne ki ummeed hai, jinke liye intajaam karna hamaare liye ek badi chunauti hai aur hamein aisa karte hue achha lag raha hai. Unhonne somvaar ke kaaryakram ki taiyaariyon ke baare mein mediakarmiyon se baat karte hue yeh baat kahi. Somvaar shaam 6 baje Modi ka shapath grahan samaaroh hai. omita ne bataaya ki manoneet pradhaanamantri ke parivaar ke sadasyon ke kaaryakram mein shareek hone ke baare mein filhaal koi soochana naheen hai. Omita ke media se baat karne ke saath-saath manch ki aakhiri taiyaari bhi chal rahi thi, jahaan Modi aur unke mantriprishd ko raashtrapati shapath dilaaenge. cabinet ke aakaar ke baare mein poochhe jaane par omita ne kaha, 'Hamein is baare mein kuchh naheen bataaya gaya hai ki pradhaanamantri ke saath kaun-kaun shapath leinge. ' unhonne bataaya ki raashtrapati ne praangan mein shapath grahan samaaroh ki ijaajat di hai, kyonki vah hamesha hi adhik se adhik logon ki bhaageedaari ka samarthan karte hain. Unhonne kaha, 'Yeh raashtrapati ki koshish hai ki raashtrapati bhavan ko jan hitaishi banaaya jaaega. ' shapath vaale din baarish hone ki sambhaavana ka sanket dene vaale mausam poorvaanumaanon par omita ne kaha ki vah aasha karti hain ki kaaryakram ke dauraan baarish naheen hogi, kyonki aisa hone par aayojan 'Darbaar hall' ke andar karna hoga, jahaan 500 logon ke hi baithane ki vyavastha hai aur anya 400 log khade ho sakte hain. Unhonne bataaya ki praangan tak paidal naheen ja sakane vaale logon ke liye 12 bagghi seva mein lagaai jaaengi. Atithiyon ke praangan sthit North court, south court aur central vista mein shaam 5 baje tak baith jaane ki ummeed hai. Unhonne bataaya ki suraksha kaaranon ko lekar thale ya mobile phone aayojan sthal ke andar le jaane ki ijaajat naheen hogi. omita ne bataaya, 'Humne garmi ke mausam ke liye pankhe, paani aadi kuchh intajaam kiye hain. ' unhonne halke fulke andaaj mein kaha, 'Sooraj ki tapish ka aanand uthaaie aur dhoop seinkiye. ' VVIP ke aagaman ke liye shaam 5 baje raashtrapati bhavan ko jaane vaale saare raaste band kar diye jaaenge. yeh pehla mauka hai jab dakshes deshon ke shaasanaadhyaksh is tarah ke kaaryakram mein shareek ho rahe hain. Omita ne bataaya ki yeh is lihaaj se bhi pehla mauka hai, jab sabhi 777 saansadon ko nyota bheja gaya hai, jinmein Loksabha aur Rajyasabha ke sadasya shaamil hain. sabhi raajyon ke raajyapaal aur mukhyamantri, raajanayik, doot aur anya samvaidhaanik pramukh kaaryakram mein shareek honge. Iske alaava 350 patrakaar bhi upasthit raheinge. Nivartamaan UPA 2 cabinet ke sadasyon ko bhi kaaryakram mein shareek hone ke liye aamantrit kiya gaya hai. intajaar ki ghadiyon ke dauraan logon ke manoranjan ke liye nausena, sena aur vaayusena ke band deshbhakti gaanon ki dhun bajaaenge. Iske baad shaam paune paanch baje se VVIP ke aagaman ke baare mein kameintri bhi ki jaaegi. Unhonne bataaya ki aayojan sthal ke rananeetik keindron par ambulance aur chikitsakon ki team bhi rakhi gayi hai.

Narendra Modi Ke Shapath Grahan Samaaroh Ke Liye Raashtrapati Bhavan Taiyaar https://www.angrejinews.com/pic/51724