Narendra Modi Ke Saath Kaam Karne Ko Utsuk Putin

Breaking »

Narendra Modi Ke Saath Kaam Karne Ko Utsuk  Putin

File photo File photo Seint peetarsabarg: roos ke raashtrapati vlaadimeer putin ne aaj kaha ki unka desh Bhaarat ke bhaavi pradhaanamantri Narendra Modi ke saath najadeeki roop se kaam karne ko utsuk hai aur vaada kiya ki roos aarthik, sainya evam takaneeki sahayog mein dwipaksheeya sambandhon ko aage le jaane ke liye kaam karega. putin ne videshi patrakaaron ke ek samooh ke saath baatcheet mein kaha, 'Hamaare sambandh raajaneetik dalon se oopar hain. Ham Bhaarat ki janta ke saath mitravat hain. Ham Bhaarat ke saath achhe sambandh chaahate hain. ' Bhaarat mein haal hi mein sampann chunaav ke baare mein poochhe jaane par unhonne kaha, 'Main unase (Modi se) mila hoon. Main unke saath najadeeki roop se kaam karne ka utsuk hoon. ' pichhle 10 varshon ke dauraan UPA sarkaar ke saath roos ke kaam karne aur BJP neet aagaami sarkaar ke saath kaam ki sambhaavana ke baare mein poochhe jaane par putin ne kaha ki dwipaksheeya sambandh raajaneetik dalon se oopar hain. Putin ne kaha ki Bhaarat ek 'Adbhut sabhyata' hai aur unhonne haal hi mein safalataapoorvak sampann aam chunaav ke liye Bhaarat ko badhaai di. Unhonne kaha ki aarthik, maanaveeya, sainya aur takaneeki sahayog mein dwipaksheeya sambandhon ko aage le jaane ke liye roos sabhi prabandh karne ja raha hai. roosi raashtrapati ne kaha, 'Hamaare beech kai kshetron mein, aitihaasik roop se aur doosari tarah se bhi kaafi sahayog raha hai. Sahayog ki sambhaavana kaafi oonchi hai. Ham ise poora karne ke liye sabkuchh kar rahe hain. ' putin ne Ukraine mudde par pashchimi deshon ki or se lagaae gaye pratibandhon ke samay roos ke saath khade rahane aur is kaarravaai ke saath naheen judne ke liye Bhaarat ka aabhaar vyakt kiya. Roosi raashtrapati ne kaha ki jab nivartamaan pradhaanamantri Manmohan Singh aur bhaavi pradhaanamantri Modi se unki baat hui to unhonne iski pushti ki. Ukraine sankat ko lekar haal hi mein America aur Europeeya sangh ne roos ke khilaaf visa pratibandh, sanpattiyaan jabt karne tatha doosari tarah ki kuchh paabandiyaan lagaain. putin ne kaha ki Ukraine sankat ko lekar apne rukh ke liye roos bhaarateeya netaaon aur vahaan ki janta ka aabhaari hai. Unhonne kaha ki bhaarateeya netaaon ne is samasya ko samagr roop mein aur roos-Bhaarat sambandhon ke gahan vishleshan ke saath dekha. Putin ne kaha, 'Ham iske liye unke aabhaari hain. '

Narendra Modi Ke Saath Kaam Karne Ko Utsuk Putin https://www.angrejinews.com/pic/51643