Narendra Modi Ke Mantri Jitendra Singh Ne Dhaara 370 Vaale Bayaan Par Vivaad Ke Baad Di Safaai

Breaking »

Narendra Modi Ke Mantri Jitendra Singh Ne Dhaara 370 Vaale Bayaan Par Vivaad Ke Baad Di Safaai

Nai Delhi: Bhaarat ke pradhaanamantri Narendra Modi aur Pakistan ke PM navaaj shareef jab ek taraf Bhaarat-Pakistan ke rishton par baatcheet kar rahe the, Modi ke daftar ke raajyamantri dhaara-370 par bayaanbaaji kar rahe the aur is tarah Modi sarkaar ke pehle din hi is mudde ki goonj shreenagar tak pahunch gayi. Vivaad badhata dekh Jitendra Singh safaai bhi di kaha ki unhonne pradhaanamantri ke havaale se kuchh naheen kaha. daraasal, Jitendra Singh ne somvaar ko pad aur gopaneeyata ki shapath li aur pradhaanamantri kaaryaalaya ke raajyamantri ka ohada sambhaalne ke baad dhaara-370 khatm karne ke liye baatcheet karne ki baat karne lage. Narendra Modi ke pradhaanamantri kaaryaalaya ke mantri ke bayaan ko shreenagar pahunchane mein der naheen lagi. Navaaj shareef ko nyota dekar Modi sarkaar ki taareef karne vaale Jammu−Kashmir ke mukhyamantri umar abdulla ne tweet kiya. . . 'Mere shabd yaad rakhein aur yeh tweet sev karke rakh lein. Jab Modi sarkaar sudoor ateet mein ja chuki hogi, tab bhi ya to dhaara 370 bani rahegi ya fir Jammu−Kashmir Bhaarat ka hissa naheen rah jaaega. Dhaara-370 Jammu−Kashmir aur Bhaarat ke beech ikalauta sootr hai. Ise hataane ki baat gair-zimmedaaraana hai. ' vaheen mahbooba mufti ne ek bayaan jaari kar kaha ki dhaara 370 par gair-zimmedaar bayaan fauran band hone chaahiye, kyonki Jammu−Kashmir mein iske gambhir asar honge. Saath hi shaanti aur samaavesh ka maahaul bigdane ka khatra hai, jo kendra mein nai sarkaar apne aagaman ke saath banaane ka lakshya lekar chal rahi hai. Modi sarkaar ki pehli cabinet baithak ke baad jab patrakaaron ne kaanoon mantri ravishankar prasaad se is par rai maangi to vah seedhe javaab se bachate dikhe. Ravishankar prasaad ne kaha ki sarkaar is sambandh mein soch-samajhakar faisala legi. Jaahir hai Modi kam se kam abhi aise savaalon se bachana chaaheinge, lekin der−saber unhein apni party ki vichaaradhaara aur apni sarkaar ki praathamiktaaon ke beech kuchh to chunana hi hoga.

Narendra Modi Ke Mantri Jitendra Singh Ne Dhaara 370 Vaale Bayaan Par Vivaad Ke Baad Di Safaai https://www.angrejinews.com/pic/51959