Narendra Modi Ke Baad Rajnath Singh Ne Bhi Sangh Ke Netaaon Se Mulaakaat Ki

Breaking »

Narendra Modi Ke Baad Rajnath Singh Ne Bhi Sangh Ke Netaaon Se Mulaakaat Ki

Rajnath Singh ki file tasveer Rajnath Singh ki file tasveer Nai Delhi: Narendra Modi ke raashtreeya swayamsevak sangh (RSS) ke sheersh netaaon se mulaakaat ke ek din baad BJP adhyaksh Rajnath Singh ne ravivaar ko sangh kaaryaalaya mein sangh ke varishth netaaon se mulaakaat ki. Samjha jaata hai ki Rajnath Singh ne antim charan ke matadaan ke maddenajar party ki rananeeti aur 16 May ko mataganana ke vishay mein charcha ki. BJP adhyaksh ke saath baithak ke dauraan sahakaaryavaah bhaiyyaaji Joshi aur BJP maamalon ko dekhne vaale suresh soni maujood the. Sootron ne bataaya ki jhandevaalaan sthit RSS kaaryaalaya mein teenon netaaon ki baithak hui aur chunaav ke baad ki sthiti par charcha ki. BJP ke pradhaanamantri pad ke ummeedavaar Narendra Modi ne shanivaar ko chunaav prachaar samaapt hone ke baad sarasanghachaalak mohan Bhagwat se mulaakaat ki thi. Uttar pradesh mein chunaav prachaar kar rahe Modi ne nau charanon ke liye chunaav prachaar samaapt hone ke baad Delhi lautane ke baad poorv pradhaanamantri atal bihaari Vajpayee se bheint ki. Gujarat ke mukhyamantri ne shanivaar ko tweet kiya tha, chunaav prachaar mein antim rally ko sambodhit karne ke baad atalaji ka aasheervaad liya. Abhiyaan shuroo karne se pehle bhi unase milne gaya tha. Unase mulaakaat hamesha se vishesh raha hai. Gaurtalab hai ki antim charan ke tahat somvaar ko matadaan hona hai, jismein vaaranasi seat bhi shaamil hai, jahaan se Modi chunaav lad rahe hain.

Narendra Modi Ke Baad Rajnath Singh Ne Bhi Sangh Ke Netaaon Se Mulaakaat Ki https://www.angrejinews.com/pic/50242