Narendra Modi Ka 'Khel Bigaadna Chaahate Hain Neeteesh Kumar

India »

Narendra Modi Ka 'Khel Bigaadna Chaahate Hain Neeteesh Kumar

Narendra naath nai Delhi. . Neeteesh Kumar Gujarat ke CM Narendra Modi par itne aakraamak kyon hain? Jab yah savaal JDU ke ek senior neta se poochha gaya to unhonne kaha- abhi tak raajaneeti mein do tarah ke logon ki misaalein di jaati rahi hain. Ek game change karne vaala aur doosra game banaane vaala. Yah teesare tarah ka prayog hai yaani game bigaadne vaala. Leedar ke mutaabik, neeteesh Kumar Modi ka game bigaadeinge. Neeteesh aisa desh hit mein kareinge aur ismein unka koi vyaktigat svaarth naheen hai. Is dilchasp bayaan ke baad savaal uthana laajimi hai ki kya neeteesh Kumar vaastav mein Modi ka game bigaad sakte hain? Neeteesh banaam Modi ki yah taaji ladaai 2014 aam chunaav se pehle raajaneetik dhruveekaran ko naya shakl day sakti hai. Neeteesh ka badhega kad? Neeteesh Kumar do tarah ki vichaaradhaaraaon ko ek saath jodne ki koshish mein hain. Pehla secular ya dharmanirpeksh hone ka mudda. Isse vah jahaan secular imej project karne waali paartiyon ke beech sabse bade neta ke roop mein saamane aana chaahate hain. Doosra, vah pichhde raajyon ko ek manch par aane ka sanket dekar teesare morcha ki sambhaavana ka daanv bhi khel chuke hain. Abhi kya kareinge? Party sootron ke mutaabik, neeteesh Kumar NDA se alag hone ki koi hadbadi naheen dikhaaenge. Vah Modi par hamla kareinge lekin BJP par naram rukh banaae rakheinge. Jaankaar maanate hain ki Modi ki keemat par neeteesh ki baat ko BJP ke andar tarajeeh mile, is par sandeh hai. Aise mein neeteesh BJP se sunana pasand kareinge ki vah gathabandhan chhod dein. Aisa isliye taaki vah raajaneetik sandesh day sakein ki vah gathabandhan chhod naheen rahe hain, balki unhein majaboor kiya ja raha hai.

Narendra Modi Ka 'Khel Bigaadna Chaahate Hain Neeteesh Kumar https://www.angrejinews.com/pic/5565