Narendra Modi Ka Delhi Mein Jordaar Svaagat, Airport Se Rod Sho Karte Hue BJP Mukhyaalaya Pahunche

Breaking »

Narendra Modi Ka Delhi Mein Jordaar Svaagat, Airport Se Rod Sho Karte Hue BJP Mukhyaalaya Pahunche

Nai Delhi: Loksabha chunaav mein BJP ne aitihaasik jeet haasil ki hai aur apne dam par Loksabha mein bahumat haasil kiya hai. NDA ko shaanadaar jeet dilaane ke baad aaj Narendra Modi Delhi pahunche, jahaan unka bhavya svaagat kiya gaya. Narendra Modi airport se rod sho karte hue BJP mukhyaalaya pahunche. isse pehle indira Gandhi havaai adde par pahunchate hi bhaajapa ke pradhaanamantri pad ke ummeedavaar ne apni SUV ka darvaaja kholkar chalti gaadi mein hi haath hilaate aur vijayi chinh banaate apne samarthakon ka abhivaadan sveekaar kiya. Samarthakon ne bhagava topi pahan rakhi thi aur bhaajapa ke jhande lahara rahe the. havaai adade par adhyaksh Rajnath Singh sahit bhaajapa ke kai varishth netaaon ne unka svaagat kiya. commando se ghire Modi ne hajaaron samarthakon ke beech havaai adade se ashok rod sthit bhaajapa mukhyaalaya tak apna 'Rod sho' shuroo kiya. Motorcyclon par savaar bhaajapa kaaryakarta rodasho ka hissa bane. Raaste mein jagah-jagah rukakar Modi ne samarthakon ka abhivaadan sveekaar kiya. Bhaajapa mukhyaalaya par vah sansadeeya board ki baithak mein shaamil honge, jahaan sarkaar gathan ko lekar mahatvapoorn faisale honge. Delhi ke baad Narendra Modi aaj shaam Varanasi jaaenge. Yahaan sabse pehle vah kaashi vishvanaath mandir mein Bhagwan ke darshan kareinge aur fir ganga aarti aur poojan mein bhaag leinge. desh ke bhaavi pradhaanamantri ke aagaman ko lekar poore shahar mein suraksha ke kade intajaam kiye gaye hain, khaaskar kaashi vishvanaath mandir aur dashaashvamedh ghaat par suraksha ka kada pahara lagaaya gaya hai. Raajya police ke saath−saath lokal intelligence aur Gujarat police ke adhikaari lagaataar in jagahon par suraksha intajaamon ka muaayana kar rahe hain. Modi ke Varanasi aagaman ko lekar logon mein kaafi utsaah hai. Logon ne khaas tarah ki kuchh naav taiyaar ki hain, jis par 51 pandit Modi ke liye poojan kareinge aur Modi inheen naavon mein kisi ek par baitheinge.

Narendra Modi Ka Delhi Mein Jordaar Svaagat, Airport Se Rod Sho Karte Hue BJP Mukhyaalaya Pahunche https://www.angrejinews.com/pic/50798