Narendra Modi Evam Amitabh Ke Khilaaf Police Mein Shikaayat

Breaking »

Narendra Modi Evam Amitabh Ke Khilaaf Police Mein Shikaayat

baitool (mapr). . Desh bhar mein samaachaar channelon par prasaarit ho rahe Gujarat sarkaar ke vigyaapan 'Kuchh din to ruko Gujarat mein' se dhaarmik bhaavanaaon ko thes pahunchaane tatha gumaraah karne ka aarop lagaate hue maan taapti jaagruti manch baitool ne kotavaali thaane mein likhit shikaayat ki hai. Shikaayat mein manch ne Gujarat ke mukhyamantri Narendra Modi, ukt vigyaapan karne vaale abhineta Amitabh Bachchan sahit Gujarat sarkaar ke cabinet evam raajya mantri paryatan vibhaag, janasanpark evam soochana prasaaran mantri Gujarat sarkaar, sachiv paryatan vibhaag, sachiv janasanpark ke khilaaf aaparaadhik prakaran darj karne ki maang ki hai. Maan taapti jaagruti manch baitool ke sanyojak evam maan sooryaputri taapti jaagruti samiti madhya pradesh ke pradesh adhyaksh raamakishor Pawar ne somvaar ko kotavaali thaane pahunchakar likhit shikaayat ki. Shikaayat mein kaha gaya hai ki desh bhar ke TV channelon evam you tube par upload Gujarat sarkaar paryatan vibhaag dvaara prasaarit vigyaapan 'Kuchh din to ruko Gujarat mein' mein Amitabh Bachchan kehte hain ki yahaan par Bhagwan Ram ne shabari ke ber khaae the tatha suna hai ki ve yahaan par 14 varsh tak ruke the. Shikaayat mein saatapura naamak sthaan ko lekar di gayi jaankaari ki yahaan par Bhagwan Ram ne 14 varsh bitaae the ko bhraamak evam asatya bataate hue kaha gaya ki shri Ram ko 14 varsh ka vanavaas huaa tha lekin unke dvaara vanavaas kaal samay mein kisi ek sthaan par ek varsh se adhik avadhi naheen bitaai gayi.

Narendra Modi Evam Amitabh Ke Khilaaf Police Mein Shikaayat https://www.angrejinews.com/pic/7111