Narendra Modi Badaleinge Gujarat Mein Lokaayukt Ki Niyukti Ka Tareeka

Breaking »

Narendra Modi Badaleinge Gujarat Mein Lokaayukt Ki Niyukti Ka Tareeka

Ahmedabad. . Gujarat ke mukhyamantri Narendra Modi sarkaar mangalvaar ko Gujarat mein naya lokaayukt vidheyak pesh karne ja rahi hai, jiske tahat lokaayukt ki niyukti mein raajyapaal ki koi bhoomika naheen rah jaaegi. Vipaksh ne kaha hai ki vah kisi bhi haalat mein is vidheyak ko paas naheen hone deinge. Gujarat ke mukhyamantri Narendra Modi teesari baar Gujarat ki gaddi sambhaalne ke baad vidhaanasabha se aisa vidheyak paas karaane ki koshish mein hain, jo agar paas ho gaya to lokaayukt ki niyukti mein raajyapaal ki bhoomika khatm ho jaaegi. Lokaayukt par Narendra Modi sarkaar ke nae vidheyak ke baare mein kaha ja raha hai ki iske paas hone par lokaayukt ki niyukti prakriya mein bada badlaav ho jaaega. Nae vidheyak mein raajyapaal ki vivekaadheen shaktiyon ko khatm kar diya gaya hai. Nae vidheyak ke mutaabik lokaayukt ki niyukti ek chayan samiti ki sifaarishon ke aadhaar par hogi. Is samiti mein raajya ke mukhyamantri adhyaksh honge. Vaheen vidhaanasabha adhyaksh, vipaksh ke neta ya fir adhyaksh ki or se naamit koi vipakshi vidhaayak, ek High Court judge aur vijileins commissioner sadasya honge. Ab tak lokaayukt ke chayan mein raajyapaal, mukhyamantri, neta vipaksh aur haai court ke cheef Justice ki bhoomika hoti thi. Raajyapaal ekamat ki sthiti naheen hone par apni vivekaadheen shaktiyon ka istemaal bhi kar sakte the. Gujarat mein 2003 se lekar 2011 tak lokaayukt ka pad khaali raha tha. 8 saal baad raajyapaal kamala beneevaal ne retired Justice aar. A. Mehta ko Gujarat ka lokaayukt banaaya tha. Modi ne isse khaase naaraaj rahe. Unhonne haai court se lekar Supreme court tak raajyapaal ke faisale ko chunauti di. Har jagah kaha ki lokaayukt ki niyukti mein unki rai naheen li gayi. January 2013 mein Supreme court ne Justice Mehta ki niyukti aur raajyapaal ke faisale ko sahi thaharaaya tha. Haalaanki siyaasi vivaad ke chalte Justice Mehta ne abhi tak Gujarat ke lokaayukt ka kaamkaaj naheen sambhaala hai.

Narendra Modi Badaleinge Gujarat Mein Lokaayukt Ki Niyukti Ka Tareeka https://www.angrejinews.com/pic/4163