Narendra Modi Aaj Mukhyamantri Pad Se Deinge Isteefa, Aanandi Ben Patel Agale CM Ki Race Mein Sabse Aage

Breaking »

Narendra Modi Aaj Mukhyamantri Pad Se Deinge Isteefa, Aanandi Ben Patel Agale CM Ki Race Mein Sabse Aage

Aanandeeben Patel ki file tasveer Aanandeeben Patel ki file tasveer Gandhinagar: Narendra Modi aaj Gujarat ke mukhyamantri pad aur raajya vidhaanasabha ki sadasyata se isteefa de deinge. Modi 12 saal tak Gujarat ke mukhyamantri rahe. dopahar 3: 30 baje raajyapaal kamala beneevaal ko apna isteefa saunpane se pehle Modi vidhaanasabha ke vishesh satr mein hissa leinge. Modi ko vidaai dene ke liye is vishesh satr ka aayojan kiya gaya hai. Modi BJP vidhaayak dal ki baithak mein bhi bhaag leinge, jahaan unke uttaraadhikaari ka chayan kiya jaaega. nai jimmedaari ke liye aanandi ben Patel ka naam sabse aage chal raha hai. Nae CM ke chunaav ka jimma BJP ke varishth neta thaavarachand gahalot ko diya gaya hai. Der shaam nae CM ke saath Modi raajyapaal ke paas jaaenge. Maana ja raha hai ki nae CM ka shapathagrahan samaaroh 22 May ko hoga, jahaan Modi bhi maujood raheinge. nae pradhaanamantri ke roop mein shapathagrahan karne ja rahe Narendra Modi ka mangalvaar shaam ko unke vidhaanasabha kshetr maningar mein jordaar svaagat kiya gaya. Is dauraan Modi ne kaha ki pehli baar kisi emaelae ko is tarah ki vidaai mili hai, saamaanyat: Emaelae ko log chunaav mein haraakar vida karte hain. unhonne khud ko lagaataar teen baar is kshetr se jitaane ke liye janta ka shukriya ada kiya. Modi ne kaha ki aapne 2012 vidhaanasabha chunaav ke dauraan mujhe PM kehkar pukaara tha aur aaj aapke aasheervaad ka hi parinaam hai ki main vahaan tak pahunch gaya. Logon ko sambodhit karte hue Modi ne apne kareebi aur UP mein BJP ki jeet ke sootradhaar rahe amit shaah ki jamkar taareef ki.

Narendra Modi Aaj Mukhyamantri Pad Se Deinge Isteefa, Aanandi Ben Patel Agale CM Ki Race Mein Sabse Aage https://www.angrejinews.com/pic/51193