Nanhein Yadav Ke Bete Ne Maara Tha DSP Ko

Breaking »

Nanhein Yadav Ke Bete Ne Maara Tha DSP Ko

Prataapagadh. . CBI ne DSP jiya-ul-hak hatyaakaand mein ek mahatvapoorn aaropi ko giraftaar karke maamale ki gutthi sulajhaane ka daava kiya hai. Maare gaye gram pradhaan nanhe Yadav ke bete babaloo Yadav ne kathit taur par desi bandook se hak ko goli maari thi. Yadav ko yahaan giraftaar kiya gaya. Sootron ne bataaya ki CBI ne nanhe Yadav ke donon bhaaiyon aur ghareloo naukar ko DSP hatyaakaand ke silsile mein hiraasat mein liya hai aur unhein sheegra giraftaar kiye jaane ki sambhaavana hai. Sootron ne daava kiya ki babaloo ne CBI adhikaariyon dvaara ki gayi gahan poochhataachh mein sveekaar kiya hai ki usane police adhikaari ko goli maari thi. Vah 19 saal se adhik umr ka hai. Adhikaari 2 March 2013 ko hui ghatna ki samoochi kadi ka punarnimaan karne mein saksham the. Hatyaaon mein uttar pradesh ke mantri raghuraaj prataap Singh urf raaja bhaiya ki bhoomika ke baare mein poochhe jaane par unhonne daava kiya ki vyaapak saajish ki jaanch ab bhi jaari hai. CBI sootron ne daava kiya ki hak nanhe Yadav ki hatya ka samaachaar paakar uske ghar pahunche the. Hak kunda mein police upaadheekshak ke pad par tainaat the. Jab tak hak ghatnaasthal par pahunche tab tak Yadav ke ghar ke baahar bhaari bheed jama ho gayi thi aur vah police ki kathit udaaseenata se gusse mein thi aur usane hatya ko rokane mein police ki kathit vifalta ka virodh kiya tha. Sootron ne bataaya ki nanhe Yadav ke ghar par hak ka saamana ugr bheed se huaa. Bheed ne hak ke saath haathaapaai ki aur unke saathi policekarmiyon ne kathit taur par unhein akela chhod diya. Bheed mein Yadav ka bhaai suresh rifle ke saath maujood tha. Jab haathaapaai chal rahi thi tabhi durghatanaavash goli chal jaane se suresh ki maut ho gayi. CBI sootron ne daava kiya ki apne pita aur chaacha suresh Yadav ke maare jaane se gussaaya babaloo Yadav apne ghar se desi bandook ke saath baahar nikla aur jab ugr bheed jiya-ul-hak ko peet rahi thi tabhi unhein goli maar di.

Nanhein Yadav Ke Bete Ne Maara Tha DSP Ko https://www.angrejinews.com/pic/5449