'Namo Ka Bachaav Aur Neeteesh Ko 'Na Bhi Naheen

Breaking »

'Namo Ka Bachaav Aur Neeteesh Ko 'Na Bhi Naheen

vishesh samvaadadaata . . Nai Delhi BJP ne ek or jahaan JDU ke saath jaari apni kheenchtaan ke baavajood usase apne rishte banaae rakhane ki baat kahi hai vaheen doosari or Gujarat dangon ko lekar Narendra Modi ka jamkar bachaav kiya hai. BJP adhyaksh Rajnath Singh ne iske alaava aagaami chunaav mein NDA ke pradhaanamantri pad ki daavedaari par uth rahe kayaason par bhi viraam lagaaya hai. Unka kehna hai ki party sahi samay aane par iska faisala karegi. Unhonne kaha ki Modi ne kabhi naheen kaha ki unhein PM pad ka kaindidet banaaya jaae. Rajnath ne mahila patrakaaron se hui ek mulaakaat mein ye saari baatein kaheen. Modi naheen hain jimmedaar: Rajnath ne Modi ka bachaav karte hue kaha ki Gujarat dangon ke liye Modi ko jimmedaar thaharaana galat hoga. Unhonne BJP ko ek secular party bataate hue kaha ki koi bhi saampradaayik shakhs ismein naheen rah sakta. Rajnath ne kaha ki koi bhi mukhyamantri apne raajya mein kaanoon vyavastha bigaadne ki baat naheen soch sakta aur na hi araajakata ke liye gunjaaish chhod sakta hai. PM pad ki ummeedavaari ka daava: Rajnath ne kaha ki Modi ne kabhi bhi pradhaanamantri pad ki ummeedavaari ko lekar apni daavedaari naheen jataai. Unhonne kaha ki is pad ke liye party ka sansadeeya board sahi vakt aane par faisala karega. Rajnath ne kaha ki Modi ko sansadeeya board mein laane ka faisala poori tarah se party ka tha. Modi ke chayan ko jaayaj thaharaate hue unhonne kaha ki vah hamaari party ke sabse senior mukhyamantri hain. JDU se bana rahega naata: Rajnath Singh ne kaha ki BJP JDU jaise apne aham sahayogi ke saath taalamel banaae rakhana chaahati hai aur haalaat abhi itne naheen bigde hain. Unhonne aagaami Loksabha chunaav JDU ke saath ladne ki ummeed bhi jataai. Rajnath ne kaha ki BJP apne sahayogiyon ko khone mein vishvaas naheen karti. Party ki asli chinta NDA gathabandhan ko banaae rakhane ki hai. Iske liye party apne sabhi sahayogiyon ki taraf se uthane vaale muddon ka samaadhaan nikaalne mein yakeen rakhati hai.

'Namo Ka Bachaav Aur Neeteesh Ko 'Na Bhi Naheen https://www.angrejinews.com/pic/5895