Naksaliyon Ko Paise Ka Laalach Day Rahi Hai Sarkaar

India »

Naksaliyon Ko Paise Ka Laalach Day Rahi Hai Sarkaar

vishesh samvaadadaata . Nai Delhi naksaliyon ko mukhyadhaara mein shaamil karne ki apni tamaam koshishon mein asafal rahi sarkaar ab unhein paise ka laalach day rahi hai. Usane tay kiya hai ki ab jo naksali surrender kareinge unhein jyaada protsaahan raashi di jaaegi aur saath hi unke hathiyaaron ki bhi jyaada keemat hogi. Sarkaar ne naksaliyon ke liye nai surrender neeti banaai hai. Sootron ke mutaabik, tay kiya gaya hai ki agar keindreeya naksali neta surrender karte hain to unhein protsaahan ke taur par dhaai-dhaai lakh rupaye diye jaaenge. Kshetreeya aur usase neeche ke star ke naksaliyon ko dedh-dedh lakh diye jaaenge. Yah rakam in logon ke naam bankon mein khaate khulava kar jama karva di jaaegi. Surrender ke baad teen saal tak saamaanya jeevan bitaane vaale naksali hi is rakam ko nikaalkar iska istemaal kar paaenge. Iske alaava sarkaar unhein teen saal tak har maheene chaar hajaar rupaye degi. Saath hi unhein punarvaas shiviron mein rakhakar rojagaar ke liye teraning bhi milegi. Saath hi agar naksali apne saath aadhunik hathiyaar laaenge to unhein iske liye alag se paise mileinge. Sarkaar ne ab bade hathiyaaron ke liye 35 hajaar rupaye AK-47 aur AK-56 raaifalon ke liye 25 hajaar aur rivaulvar ke liye das-das hajaar ki rakam tay ki hai. Kendra ki or se nai neeti ka praaroop raajyon ko bhej diya gaya hai.

Naksaliyon Ko Paise Ka Laalach Day Rahi Hai Sarkaar https://www.angrejinews.com/pic/5571