Naksali Khatra Pichhle Teen Saal Mein Gayi 557 Javaanon Ki Jaan
India » Monday, April 8, 2013
vis . Nai Delhi : Naksal prabhaavit raajyon mein pichhle teen saalon mein suraksha balon ke 557 javaanon ki jaan naksaliyon ke haathon gayi hai. Is dauraan 1518 aam logon ko bhi apni jaan ganvaani padi hai jabki 34 naksali maare gaye hain. Gruh mantraalaya ke aankadon se is baat ki jaankaari mili hai. Aankadon ke mutaabik, January 2010 se February 2013 tak desh mein kul 5516 naksali vaaradaatein hui hain. Is dauraan suraksha balon ne kareeb 7000 naksaliyon ko giraftaar kiya hai. Mantraalaya ke sanyukt sachiv star ke ek adhikaari ke mutaabik, 2010 mein 2213 naksali ghatnaaon mein 285 javaan aur 720 aam naagrikon ki maut hui thi. Is dauraan 173 naksali bhi maare gaye aur 2916 arest kiye gaye. 2011 mein 1760 naksali hamlon mein 142 surakshaakarmi aur 469 aam log maare gaye. Is dauraan suraksha balon ne 99 naksaliyon ko maar giraaya aur 2030 ko arest kiya. 2012 mein naksal vaaradaaton mein kami I. Kul 1415 ghatnaaon mein 114 surakshaakarmi aur 301 aam log maare gaye jabki 74 naksaliyon ko jaan se haath dhona pada aur 1903 pakade gaye. Pichhle teen saalon mein sabse jyaada naksal hamle Chhattisgarh aur Jharkhand mein hue hain.