Naksali 'Havaai Madad Par Kar Sakte Hain Hamla

India »

Naksali 'Havaai Madad Par Kar Sakte Hain Hamla

arun Dixit . Nai Delhi naksali ekabaar fir suraksha balon ki madad mein tainaat helikauptaron ko nishaana banaane ki firaak mein hain. Iske liye unhonene naksal prabhaavit ilaakon mein tainaat helikauptaron ki udaan bharate aur utarate samay ki vidiyograafi ki hai. Vidiyograafi ka kaam alag-alag ilaakon mein kiya gaya hai. Gaurtalab hai ki naksali January mein ek helikauptar ko nishaana bhi bana chuka hain. Satark rahein raajya : Gruh mantraalaya ko mili khufiya jaankaari ke mutaabik Chhattisgarh ke naksal prabhaavit Bijapur aur sukama jilon mein chaar jagahon par naksaliyon ne helikauptaron ki vidiyograafi ki hai. Kisi khatre ki aashanka ko dekhte hue mantraalaya ne sabhi naksal prabhaavit raajyon ko behad satark rahane ko kaha hai. Unase kaha gaya hai ki jahaan-jahaan helipaid bane hue hain, vahaan do kilometer ke ilaake ko 'Sef jon' banaaya jaae. Yah sunishchit kiya jaae ki helikauptaron ki udaanon ke pehle ilaake ki poori chhaanabeen ki jaae aur talaashi li jaae. Mantraalaya ki or se is baare mein Chhattisgarh, Jharkhand, udeesa, Andhra pradesh, madhya pradesh, Maharashtra, uttar pradesh aur pashchim Bengal aur Bihar ke gruh sachiv aur police mahaanideshakon ko letar bheje gaye hain. Letar ki kaupi CRPF, BSF aur eyarafors ko bhi bheji gayi hai. Manobal todna hai maksad : Mantraalaya ke ek senior adhikaari ke mutaabik, naksali helikauptaron par hamla karke suraksha balon ka manobal kamjor karna chaahate hain. Aise hamlon se unhein bharpoor media coverage milta hai. Isliye apna varchasv saabit karne ke liye ve is tarah ke hamle ki taiyaari kar rahe hain. Iske alaava ve suraksha balon ki taraf se banaae ja rahe dabaav ke kaaran pareshaan hain aur in hamlon ke jariye ise kam karna chaahate hain. Ho chuka hai aisa hamla : Naksali pehle bhi helikauptar ko nishaana bana chuke hain. Unhonne 18 January ko Chhattisgarh ke timlevaada sthit CRPF camp mein land karne ki koshish kar rahe ek helikauptar par goliyaan barasaai theen. Do ghaayal javaanon ko lene gaye is helikauptar ko asurakshit jagah par land karna pada tha. Goleebaari ke baad vaayusena ke karmachaari kathit taur par hathiyaar aur ek ghaayal constable ko helikauptar mein hi chhodkar chale gaye the.

Naksali 'Havaai Madad Par Kar Sakte Hain Hamla https://www.angrejinews.com/pic/4816