Naitik Shiksha Se Kam Hoga Crime Against Vimn Raashtrapati

Breaking »

Naitik Shiksha Se Kam Hoga Crime Against Vimn Raashtrapati

Lucknow. . Raashtrapati Pranab mukharji ne desh mein mahilaaon tatha bachchon ke prati badhte aparaadhon par chinta jaahir karte hue aaj kaha ki vishvavidyaalayon tatha anya shikshan sansthaaon ko naitik shiksha ke jariye iska samaadhaan talaashana chaahiye. Raashtrapati ne yahaan sthit Baba saahab bheemaraav ambedakar kendreeya vishvavidyaalaya ke chauthe deekshaant samaaroh mein kaha ki samaaj ke naitik moolyon mein jo ksharan aur patan ho raha hai. Ise rokane ke liye vishvavidyaalayon tatha anya shikshan sansthaanon ko aage aana hoga aur aisi shiksha deni hogi jisse moolyon mein giraavat ko roka ja sake. Unhonne kaha ki shikshan sansthaaon tatha vishvavidyaalayon mein hi vyakti ki soch aakaar leti hai aur usamein anushaasan, aatmasanyam, aatmaniyantran ke gun viksit hote hain. Mukharji ne kaha 'Hamaara desh aur vishv aarthik kraanti ki dahaleej par hain aur shiksha tatha usaki vyavastha mein aarthik aur saamaajik aavashyakataaon ke anuroop badlaav ki jaroorat hai. ' raashtrapati ne desh mein uchchastareeya shikshan ki vyavastha sunishchit karne par jor dete hue kaha 'Is samay anumaanat: Kareeb do lakh bhaarateeya vidyaarthi videshi vishvavidyaalayon mein padhte hain. Aavashyakta is baat ki hai ki hamaare desh mein hi uchchastareeya shikshan ki vyavastha ho. ' raashtrapati ne kaha 'Keval ek raajya ko chhodkar baaki sabhi soobon mein kam se kam ek raashtreeya vishvavidyaalaya hai. Agar sabhi uchch shikshan sansthaaen ek-ek vishay mein antararaashtreeya star ki gunavatta haasil karein to ham shiksha ke sabhi kshetron mein gunavatta ko badha sakeinge. Is kaam mein kendreeya vishvavidyaalayon ko agrani bhoomika nibhaani hogi. ' unhonne aavishkaari shodh kaaryon ke maamale mein Bhaarat ke pichhdepan par chinta jaahir ki aur kaha ki is vakt aavishkaari shodh ke maamale mein ham pichhde hue hain. America tatha cheen ne jahaan aise shodh kaaryon ke kareeb paanch lakh peteint aavedan kiye hai, vaheen Bhaarat ne sirf 42 hajaar peteint arjiyaan di hain. Mukharji ne shiksha ko janta ki pahunch ke bheetar laane ki jaroorat par bhi jor diya aur kaha ki aisa karne ke liye 'E-shiksha' behatareen maadhyam saabit ho sakti hai. Raashtrapati ne uchch shikshan sansthaaon mein prashikshit shikshakon ki kami bataate hue kaha ki is samay desh ki uchch shikshan sansthaaon mein badi sankhya mein shikshakon ke pad khaali hain.

Naitik Shiksha Se Kam Hoga Crime Against Vimn Raashtrapati https://www.angrejinews.com/pic/8293