Nai Sudhare To €aPSU Bankon Ki Baajaar Hissedaari Das Saal Mein Ghat Jaaegi Report

Business »

Nai Sudhare To €aPSU Bankon Ki Baajaar Hissedaari Das Saal Mein Ghat Jaaegi Report

Mumbai, sarkaar ne saarvajanik kshetr ke bankon mein yadi apni hissedaari ke vinivesh ki pahal naheen ki aur unhein apna pradarshan sudhaarane mein madad naheen ki to in bankon ki baajaar hissedaari 2025 tak ghatkar 60 pratishat rah jaaegi. Yeh baat RBI ki ek samiti ki report mein kahi gayi hai. Report mein kaha gaya ki niji kshetr ke bankon ki baajaar hissedaari 2025 tak badhkar kareeb ek tihaai (33 pratishat) ho jaaegi jo 2000 mein 12 pratishat se thoda hi upar thi jabki videshi bankon ki bhoomika seemaant bhaageedaar ki bani rahegi. Report mein kaha gaya ''Saarvajanik kshetrein bankon ki baajaar hissedaari 2025 mein ghatkar 60 pratishat se thodi hi adhik rah jaaegi jo 2000 mein 80 pratishat thi. ' report mein kaha gaya ''Jab tak (sarkaari bankon ki sanchaalan vyavastha mein bada badlaav naheen aata aur sarkaar apni hissedaari kam karne ko taiyaar naheen hoti tab tak saarvajanik kshetr ke bankon ke saamane NPA aur kam poonjeekaran ki dohari samasya barkaraar rahegi jisse unki vruddhi prabhaavit hogi. ' report mein kaha gaya hai ki sarkaar ki hissedaari kam hone se bankon ko atirikt poonji upalabdh karaane ka sarkaar ka bojh kam hoga. Report mein kaha gaya ki sanchaalan mein badlaav aur utpaadakata mein sudhaar ki sambhaavnaaon ke abhaav mein videshi sansthaagat niveshak saarvajanik kshetr bankon mein nivesh naheen kareinge. Doosari or niji kshetr ke bank ka pradarshan sudharega aur baajaar hissedaari badhegi kyonki ve apne kaarobaari maadal ko sahaara dene ke liye nai praudyogiki ka upayog barkaraar rakheinge.

Nai Sudhare To €aPSU Bankon Ki Baajaar Hissedaari Das Saal Mein Ghat Jaaegi Report https://www.angrejinews.com/pic/51331