Nai Sarkaar Se Bandhi Ummeedon Par Car Baajaar Ne Pakadi Raftaar

Breaking »

Nai Sarkaar Se Bandhi Ummeedon Par Car Baajaar Ne Pakadi Raftaar

Nai Delhi: kendra mein sthaayi sarkaar ke gathan se sakaaraatmak dhaarana ke beech May mein kaaron ki bikri mein teji darj ki gayi aur Maruti Suzuki, hundai, honda aur Ford jaisi pramukh car companiyon ki bikri badhi. Haalaanki, mahindra end mahindra, general motors aur tata motors ne is dauraan ghareloo bikri mein giraavat darj ki. desh ki sabse badi car company Maruti Suzuki India ki ghareloo baajaar mein bikri pichhle maah 16.4 pratishat badhkar 90,560 ikaaiyon ki rahi, jo May, 2013 mein 77,821 kaaron ki thi. Hundai motor India ki ghareloo bikri 12.8 pratishat badhkar 36,205 kaaron ki rahi. May, 2013 mein company ne 32,102 kaarein bechi theen. beete maah, Ford India ki ghareloo bikri 51.24 pratishat badhkar 6,053 kaaron ki rahi. Beete maah honda kaars India ki ghareloo baajaar mein bikri 17.8 pratishat badhkar 13,362 kaaron ki rahi, jabki beete saal May mein company ne ghareloo baajaar mein 11,342 kaarein bechi theen. doosari or, May, 2014 mein mahindra end mahindra ki ghareloo baajaar mein bikri 15.68 pratishat ghatkar 35,499 ikaaiyon ki rahi, jabki beete saal May mein company ne ghareloo baajaar mein 42,104 vaahanon ki bikri ki thi. mahindra end mahindra ke mukhya kaaryakaari (vaahan khand) praveen shaah ne kaha, vaahanon ki bikri kai companiyon ke liye lagaataar sust bani hui hai aur May ka maheene udyog ke liye ek aur chunauteepoorn maah raha. Tata motors ke yaatri vaahanon ki bikri May, 2014 mein 17 pratishat ghatkar 9,230 ikaaiyon ki rahi, jo beete saal isi maah 11,134 ikaaiyon ki thi. isi tarah, general motors India ki bikri bhi May, 2014 mein 42.76 pratishat ghatkar 4,865 ikaaiyon ki rahi, jabki beete saal May mein company ne 8,500 kaarein bechi theen. Toyota kirloskar motor ne ravivaar ko apni bikri ke aankade jaari kiye, jiske mutaabik, beete maah company ki bikri 18 pratishat badhkar 11,833 ikaaiyon ki rahi, jabki pichhle saal May mein company ne 10,023 vaahanon ki bikri ki thi. dopahiya vaahan khand mein honda motorcycle end scooter India ki kul bikri 55 pratishat badhkar 3,55,726 ikaaiyon ki rahi. Isi tarah, yaamaaha motor India ki bikri May, 2014 mein 40.14 pratishat badhkar 47,680 ikaaiyon ki rahi. Chennai sthit TVS motor company ki dopahiya vaahanon ki ghareloo bikri beete maah 24 pratishat badhkar 1,74,234 ikaaiyon ki rahi. hero Motocorp ne pichhle maheene apni bikri mein 8 pratishat ki vruddhi darj ki aur usane 6,02,481 vaahanon ki bikri ki. Sameekshaadheen maah mein Bajaj auto ki motorcyclon ki bikri 3 pratishat badhkar 3,13,020 ikaaiyon ki rahi jo beete saal May mein 3,04,780 ikaaiyon ki thi.

Nai Sarkaar Se Bandhi Ummeedon Par Car Baajaar Ne Pakadi Raftaar https://www.angrejinews.com/pic/52546