Nai Loksabha Mein Har Teesara Saansad Hai Aaparaadhik Prushthabhoomi Vaala

Breaking »

Nai Loksabha Mein Har Teesara Saansad Hai Aaparaadhik Prushthabhoomi Vaala

Nai Delhi: Loksabha mein har teesara navanirvaachit saansad aaparaadhik prushthabhoomi vaala hai. Is aashay ka khulaasa saansadon dvaara bhare gaye shapath patra ke aadhaar par hua hai. national ilekshan vaach (enaidablyoo) aur association for democratic rifaarms (edeeaar) ne 543 mein 541 sadasyon ke shapath patra ke vishleshan ke aadhaar par kaha hai ki 186 ya 34 pratishat navanirvaachit saansadon ne apne shapath patra mein khulaasa kiya hai ki unke khilaaf aaparaadhik maamale hain. 2009 mein 30 pratishat Loksabha sadasyon ke khilaaf aaparaadhik maamale the. Ismein ab chaar pratishat ki vruddhi ho gayi hai. ek press vigyapti ke mutaabik 2014 ke chunaav mein aaparaadhik prushthabhoomi vaale ek pratyaashi ke jeetne ki sambhaavana 13 pratishat rahi, jabki saaf chhavi ke pratyaashiyon ke maamale mein yeh paanch pratishat rahi. aaparaadhik prushthabhoomi vaale 186 nae saansadon mein se 112 (21) ne apne khilaaf hatya, hatya ka prayaas, saampradaayik sauhaard ko bigaadne, apaharan, mahilaaon ke khilaaf aparaadh aadi jaise gambhir aaparaadhik maamale hone ki ghoshana ki hai. vigyapti mein kaha gaya hai ki Jharkhand ke Jamshedpur se vijayi rahe bhaajapa pratyaashi aur Maharashtra ke sataara se vijayi rahe raashtravaadi Congress party (raakaampa) pratyaashi ke shapath patron ka vishleshan naheen ho paaya hai kyonki nirvaachan aayog ki website par diye gaye unke shapath patra adhoore-aspasht mile hain. party vaar vishleshan mein sabse jyaada sadasya bhaarateeya janta party (bhaajapa) ke hain. Party ke 281 sadasyon mein se 98 ya 35 pratishat ne apne shapath patra mein aaparaadhik maamale darj hone ki ghoshana ki hai. Bhaajapa ne 282 seatein jeeti hain. Congress ke 44 mein se 8 (18 pratishat), eaaiedeeemake ke 37 mein se 6 (16 pratishat), shivsena ke 18 mein se 15 (83 pratishat) aur Trinamool ke 34 vijetaaon mein se 7 (21 pratishat) ne aaparaadhik maamale darj hone ka khulaasa kiya hai.

Nai Loksabha Mein Har Teesara Saansad Hai Aaparaadhik Prushthabhoomi Vaala https://www.angrejinews.com/pic/50984