Naheen Sudhare Saarvajanik Kshetr Ke Bank, Tab Ghat Jaaegi Baajaar Mein Hissedaari Rapat

Breaking »

Naheen Sudhare Saarvajanik Kshetr Ke Bank, Tab Ghat Jaaegi Baajaar Mein Hissedaari  Rapat

File photo File photo Nai Delhi: sarkaar ne saarvajanik kshetr ke bankon mein yadi apni hissedaari ke vinivesh ki pahal naheen ki aur unhein apna pradarshan sudhaarane mein madad naheen ki to in bankon ki baajaar hissedaari 2025 tak ghatkar 60 pratishat rah jaaegi. Yeh baat RBI ki ek samiti ki rapat mein kahi gayi hai. rapat mein kaha gaya ki niji kshetr ke bankon ki baajaar hissedaari 2025 tak badhkar kareeb ek tihaai (33 pratishat) ho jaaegi jo 2000 mein 12 pratishat se thoda hi oopar thi jabki videshi bankon ki bhoomika seemaant bhaageedaar ki bani rahegi. rapat mein kaha gaya 'Saarvajanik kshetron ke bankon ki baajaar hissedaari 2025 mein ghatkar 60 pratishat se thodi hi adhik rah jaaegi jo 2000 mein 80 pratishat thi. ' rapat mein kaha gaya 'Jab tak (sarkaari) bankon ki sanchaalan vyavastha mein bada badlaav naheen aata aur sarkaar apni hissedaari kam karne ko taiyaar naheen hoti tab tak saarvajanik kshetr ke bankon ke saamane NPA aur kam poonjeekaran ki dohari samasya barkaraar rahegi jisse unki vruddhi prabhaavit hogi. ' rapat mein kaha gaya hai ki sarkaar ki hissedaari kam hone se bankon ko atirikt poonji upalabdh karaane ka sarkaar ka bojh kam hoga. rapat mein kaha gaya ki sanchaalan mein badlaav aur utpaadakata mein sudhaar ki sambhaavnaaon ke abhaav mein videshi sansthaagat niveshak saarvajanik kshetr bankon mein nivesh naheen kareinge. doosari or niji kshetr ke bank ka pradarshan sudharega aur baajaar hissedaari badhegi kyonki ve apne kaarobaari model ko sahaara dene ke liye nai praudyogiki ka upayog barkaraar rakheinge.

Naheen Sudhare Saarvajanik Kshetr Ke Bank, Tab Ghat Jaaegi Baajaar Mein Hissedaari Rapat https://www.angrejinews.com/pic/51274