Nae Saansadon Ki Aamad Ne Rajdhani Mein Badhaai Mahange Makaanon Ki Demand

Business »

Nae Saansadon Ki Aamad Ne Rajdhani Mein Badhaai Mahange Makaanon Ki Demand

[ ravi teja sharma | nai Delhi ] nae saansadon ki sankhya badhne ke saath rajdhani ke paush ilaakon mein mahange makaanon ki demand mein uchhaal aa gaya hai. Khaastaur se behad mahange lutiyans jon mein makaanon ki maang jyaada dikh rahi hai. Iski ek vajah yeh bhi hai ki navanirvaachit saansadon mein kai ameer kaarobaari hain. Aisi badi deels karaate rahane vaale brokers ka kehna hai ki ameer saansadon ke pratinidhi unase sampark kar rahe hain. Inmein Andhra pradesh, udeesa aur Maharashtra ke aise saansadon ki sankhya adhik hai, jo maains, infrastructure, hotel aur traansaporteshan business se jude rahe hain. Pehli baar saansad bane jyaadaatar logon ko rajdhani mein jis tarah ke apaartameint alaut hote hain, unamein ye rahana naheen chaahate hain. South India ke ek saansad ke pratinidhiyon ne kareeb do saptaah pehle lutiyans jon mein kuchh prauparteej dekhi theen. Unhein pruthveeraaj rod par makaan dikhaane vaale ek broker ne bataaya ki mainne unase neta ka naam jaanana chaaha, lekin unhonne naheen bataaya. Un logon ne sirf yeh kaha ki bangale ke liye unke paas 250-300 karod rupaye ka bajat hai aur yeh deal jaldi honi chaahiye. Jo saansad itni rakam kharch naheen karna chaahate, ve shaanti niketan, golf links aur vest end jaise doosare paush ilaakon par najar dauda rahe hain. In ilaakon mein makaanon ki keemat lutiyans jon ki tulana mein lagbhag aadhi hai. 2014 ke aam chunaav mein jeet kar aae saansadon mein se esets ke maamale mein top 4 Andhra pradesh (ab seemaandhr aur telangaana) se hain. Guntoor ke MP aur amaara raaja group ke emadi jayadev galla 683 karod rupaye ki esets ke saath is list mein top par hain. Avibhaajit Andhra ke 42 saansadon mein se 21 bijnesamain hain, jinki kul sampatti kareeb 2,300 karod rupaye hai. Inmein vijyavaada se teedeepi saansad shreenivaas kesinveni bhi hain, jo Karnataka, Maharashtra, Tamil Nadu aur avibhaajit Andhra mein intar-city bas transport muhaiya karaane waali sabse badi company kesinveni toors end traivals ke maalik hain. Unke paas 128 karod rupaye ki esets hain. Prauparti edavaaijari farm night Frank India ke national director (rejideinshiyl) mudassir jaidi ne kaha ki business enavaayarameint mein sudhaar ke saath infra, maaining aur doosare sektars ke kai bijnesamain bhi rajdhani mein bangale dhoondh rahe hain. Iske alaava, poorv saansad bhi rajdhani mein naya thikaana dhoondh rahe hain, jinhein ab sarkaari aavaas khaali karna hoga. Lutiyans jon ke kareeb 1,000 bangalon mein 10 parseint se bhi kam private hain. Baaki sarkaari hain. Is ilaake mein private prauparti ka area kareeb 254.50 ekad hai aur iski vailyoo pichhle 10 varshon mein 6,100 karod rupaye se badhkar 49,000 karod rupaye ho gayi hai.

Nae Saansadon Ki Aamad Ne Rajdhani Mein Badhaai Mahange Makaanon Ki Demand https://www.angrejinews.com/pic/52839