Nadal Rikaard 12veen Baar Bane Rolaan Gairaan Champion

Sports »

Nadal Rikaard 12veen Baar Bane Rolaan Gairaan Champion

Peris, nau June (eefapi) Spain ke star raafel Nadal ne ravivaar ko yahaan puroosh final mein aastriya ke dominik thiyem par 6-3, 5-7, 6-1, 6-1 ki jeet se aitihaasik 12vaan rolaan gairaan khitaab aur 18veen grandslam traafi apne naam ki. taintees saal ka yeh khilaadi is tarah ek hi grandslam 12 baar jeetne wala pehla khilaadi - puroosh ya mahila varg - ban gaya hai. Unhonne 2018 final ke doharaav vaale mukaabale mein thiyem ko paraajit kiya. Nadal is tarah Roger Federer ke sarvakaalik 20 major khitaab ke rikaard se mahaj do traafi peechhe hain aur novaak jokovich se teen khitaab aage hain jinki chunauti semifinal mein thiyem ne hi samaapt ki thi. duniya ke doosare number ke khilaadi Nadal ne peris mein apna rikaard 93 jeet ka kar liya hai aur unhein mahaj do match mein haar mili hai. Vah isse pehle 2005, 2008, 2010 se lekar 2014, 2017 aur 2018 mein champion bane the. ravivaar ko mili is jeet se 'Big three' ke grandslam mein dabadabe ki bhi pushti ho gayi jinhonne pichhle 10 khitaab aapas mein jeete hain. yeh Nadal ka 82vaan kairiyr khitaab bhi hai aur yeh unki 950vein match mein jeet bhi hai. pehla set 53 minute tak chala jismein kaafi tej taraarr shot shaamil the aur thiyem ne pehle service todkar 3-2 ki badhat haasil ki. lekin 25 saal ke is khilaadi ki khushi thodi der tak hi tik saki kyonki Nadal ne chhathe game mein service break ki aur agale teen game haasil kar ise jeet liya. kle court par Nadal ko chaar baar haraane vaale thiyem ne doosare set mein lambi rally mein shaanadaar backhand se 5-4 ki badhat banaayi hui thi jismein donon khilaadiyon ne apni service game par pakad banaaye rakhi thi. lekin Nadal ki jara si galati thiyem ke liye faayademand rahi. Nadal ka forehand shot wide rah gaya jisse thiyem ko 12vein game mein do set point mile aur is chauthe vareeya khilaadi ne is tarah 1-1 ki baraabari haasil kar li. Thiyem 1995 mein peris mein khitaab jeetne vaale Thomas mastar ke baad aastriya ka doosra grandslam champion banane ki koshish mein jute the. Lekin iske baad unki ummeedon ko Nadal ne karaara jhatka diya. doosare set ko ganvaane se Nadal kaafi aakraamak ho gaye. Unhonne teesare set mein pehle 10 point banaakar 3-0 ki badhat banaayi aur fir teen break point haasil kar ise 6-1 se apne naam kar liya. thiyem lagaataar chaar din tak khelkar ravivaar ke is final tak pahunche the aur is thakaan ka asar dheere dheere dikh bhi raha tha kyonki unhonne chauthe set ke pehle aur teesare game mein break point ka mauka barbaad kar diya jinhein haasil kar Nadal 3-0 se aage ho liye. iske baad jald hi Nadal ne ise 5-1 kar liya aur dabadaba kaayam rakhate hue doosare match point par khitaab haasil kiya. eefapi namita sudheerasudheer.

Nadal Rikaard 12veen Baar Bane Rolaan Gairaan Champion https://www.angrejinews.com/pic/280226