Naaraaj Congress Vidhaayak Ne Uthava Leen Party Daftar Se 300 Kursiyaan

Breaking »

Naaraaj Congress Vidhaayak Ne Uthava Leen Party Daftar Se 300 Kursiyaan

Aurangaabaadachunaav mein ticket naheen milne se netaaon ke naaraaj hone aur party chhodne ki khabarein to aajkal khoob aa rahi hain, lekin Maharashtra mein Congress ke ek vidhaayak ne party daftar ki kursiyaan hi uthava leen. Loksabha ka ticket katane se khinn Congress vidhaayak abdul sattaar ne apne samarthakon ki madad se mangalvaar ko party ke sthaaneeya kaaryaalaya se 300 kursiyaan uthava leen. Silod se vidhaayak sattaar ne kaha ki ve party chhod chuke hain aur unhonne daava kiya ki kursiyon par unka maalikaana hak hai. Congress ki sthaaneeya ikaai ne apne daftar 'Gandhi bhavan' mein gathabandhan sahayogi enaseepi ke saath ek baithak bulaai thi. Meeting se theek pehle sattaar apne samarthakon ke saath vahaan pahunche aur party daftar se sabhi kursiyaan niklava leen. Kursiyaan na hone se Congress kaaryakartaaon ki baithak enaseepi ke daftar mein hui. Jile ke prabhaavashaali neta sattaar ko ummeed thi ki party unhein Aurangabad seat se Loksabha ka ticket degi lekin is seat par vidhaan parishad sadasya subhaash jhanbaad ko ticket diya gaya jisse sattaar naaraaj ho gaye. Sattaar ne kaha, 'Haan, kursiyaan meri theen aur mainne Congress ki baithakon ke liye inhein upalabdh karaaya tha. Ab mainne party chhod di hai aur isliye kursiyaan bhi le li hain. Jinhein ticket mila hai ve vyavastha karein. ' Jhanbaad ne is ghatna ko maamooli bataate hue kaha,'Sattaar ko jaroorat hogi isliye kursiyaan le gaye hain. Ham niraash naheen hain. Sattaar abhi bhi Congress mein hain, kyonki unka isteefa sveekaar naheen kiya gaya hai. '

Naaraaj Congress Vidhaayak Ne Uthava Leen Party Daftar Se 300 Kursiyaan https://www.angrejinews.com/pic/263735