Naada Ne Vijeindar Ka Blood, Yoorin Sainpal Liya
Sports » Wednesday, April 3, 2013
Nai Delhi. . Boxer vijeindar Singh ki mushkilein aur badh gayi hain. Naishanal ainti doping agency (naada) ne vijeindar ka blood aur yoorin sainpal jaanch ke liye le liya hai. Sootron ne bataaya ki Budhvaar ko vijeindar ka sainpal liya gaya. Sootron ke mutaabik, vijeindar ke dost Ram Singh giraftaar ko Punjab police ne giraftaar kar liya hai. Ram Singh par bhi drags lene ka aarop hai. Police ne sangaroor mein Ram Singh ke riletiv ke ghar se 5 kilogram nasheela padaarth jabt kiya tha. Lagbhag ek maheene pehle is prakaran ke khulaase ke baad se hi vijeindar ne dop pareekshan dene se inkaar kar diya tha. Is mukkebaaj ke yoorin aur blood ke sainpal ko subah liya gaya lekin pata chala hai ki pareekshan vishesh roop se heroin ke liye naheen hoga. Keindreeya khel mantri Jitendra Singh ne vijeindar ke dop pareekshan dene ka khulaasa kiya. Unhonne is mukkebaaj ko doshi paae jaane par rihaibiliteshan se gujarane ki salaah bhi di. Mantri ne kaha, 'Naada ne subah vijeindar ke namoone liye hain. Vijeindar aur anya mukkebaajon ke blood aur yoorin ke namoone liye gaye hain. ' unhonne kaha, 'Main kaarravaai par koi faisala karne se pehle parinaam ka intajaar karoonga. Main koi kayaas naheen lagaana chaahata. Lekin yadi vijeindar ne galati ki hai to nishchit taur par use saja milni chaahiye lekin iske baad usaka rihaibiliteshan shuroo hona chaahiye. ' Singh ne kaha, 'Hamein yah dekhne ki jaroorat hai ki hamaare khilaadi rihaibiliteshan kaaryakram mein bhaag lein taaki bhavishya mein ve achha pradarshan kar sakein. ' naada ke sheersh adhikaari ne kaha ki vijeindar namoone liye gaye lekin unhonne is baare mein vistaar se bataane se inkaar kar diya. Naada vijeindar ka pratiyogita se itar dop pareekshan karne liye taiyaar thi lekin usane vishv doping rodhi agency ke niyamon ka havaala dekar heroin ki jaanch ka pareekshan karne mein asamarthata jataai thi. Gaurtalab hai ki 02 April ko khel mantraalaya ne naada ko vijeindar ka dop test karne ka nirdesh diya tha. Khel mantraalaya ne kaha ek press vigyapti mein kaha tha ki media mein vijeindar dvaara heroin liye jaane ki khabarein chintaajanak theen, isliye unhonne unka dop test karne ka nirdesh diya gaya. Padhein blog: Vijeindar ko dhool mein mat milaaie mantraalaya ne kaha, 'Star boxer vijeindar ke baare mein is tarah riportein chintaajanak hain. Isse desh ke anya khilaadiyon ka manobal girega,isliye yah jaroori samjha gaya ki naada vijeindar ke heroin ke istemaal kiye jaane ke liye test karaae, bhale hi yah tournament se baahar ki jaane waali jaanch ho. ' isse pehle, Budhvaar ko Punjab police ne sangaroor mein Ram Singh ke riletiv ke ghar se 5 kilogram nasheela padaarth jabt kiya. Police ne bataaya ki Ram Singh ke riletiv ravichran Singh ke ghar se 5 kilogram methaamfetaamaain jabt kiya gaya hai. Police ke mutaabik ravichran ke ghar se pradarshan sudhaarane vaala pratibandhit syoodofadraain bhi mila hai. Unhonne yah bhi kaha ki drags ki jabti ke dauraan ravichran vahaan maujood naheen tha. Ravichran bhi naishanal leval ka boxer rah chuka hai. Police ko aashanka hai ki chhaapemaari ke baad vah kaheen chhup gaya hai. Poore maamale ki har pahaloo se jaanch ki ja rahi hai. Gaurtalab hai ki is maamale mein drags taskar anoop Singh mukhya aaropi hai. Anoop Singh urf roobi Canadai drag smagalar hai, jise ek maheene pehle 130 karod ki keemat ke 26 kilogram heroin ke saath uske jirkapur sthit aavaas se giraftaar kiya gaya tha. Vijeindar ka naam is maadak padaarth maamale mein tab saamane aaya, jab unki patni ki esayoovi car jirkapur mein anoop Singh ke ghar ke baahar mili. Car se sandigdh saamaan bhi baraamad hue the. Is maamale mein us vakt naya mod aa gaya jab mangalvaar vijeindar ke ek saathi dinesh Kumar ne Punjab police par use fansaane ka aarop lagaaya. Dinesh ne kaha ki vijeindar ki jis car mein drags baraamad hue the, us car ko Punjab police ne hi us flat ke baahar khada kiya tha.