Naabaalig Ne Mausa Par Lagaaya Rape Ka Aarop

India » Monday, April 22, 2013

enabeeti news . Soneepat ek naabaalig ladki ne mausa par rape karne ka aarop lagaaya hai. Police ne is sambandh mein maamala darj kar kaarravaai shuroo kar di hai. Police ka kehna hai ki aaropi ko jald kaaboo kar liya jaaega. Naabaalig ladki ko maamala darj karne ke baad anaath aashram baal gram raai bhej diya gaya hai. Sooraj urf Bachchan kareeb do-teen saal pehle apni patni aneeta ke saath rahane ke liye shahar ki Shiv colony mein aaya tha. Unke saath ek bachchi bhi thi, jiski umr filhaal kareeb 12 varsh hai. Vah ladki sooraj va aneeta ko apna mausa-mausi bata rahi hai. Haalaanki use apne parijanon ke baare mein koi jaankaari naheen hai. Ladki ne teen din pehle apne mausa-mausi ke paas rahane se mana kar diya. Uske mana karne par ek saamaajik sangathan ke sadasyon ne ladki ko baalagraam raai mein pahunchaaya. Use vahaan asthaai roop se rahane ki anumati di gayi. Baalagraam raai ke prabandhakon ne usaka medical pareekshan karavaane ki baat kahi. Ise lekar shanivaar ko jab police bachchi ka medical pareekshan karavaane saamaanya aspataal pahunchi to Doctor ne bachchi ke saath rape kiye jaane ki pushti kar di. DSP balabeer ne bataaya ki ladki ne mausa par rape karne ka aarop lagaaya hai. Ghatna kuchh din pehle ki bataai ja rahi hai. Iske baad ladki ne unke paas rahane se mana kar diya. Maamale ka khulaasa hone par police ne is sambandh mein rape ka maamala darj kiya. Police ne jab maamale ko lekar Shiv colony mein dabish di to uske mausa-mausi faraar mile. DSP ne bataaya ki aaropi ko jald hi kaaboo kar liya jaaega.