Naabaalig Ladki Se Rape Ke Maamale Mein Teen Bachchon Ka Pita Arest

Breaking »

Naabaalig Ladki Se Rape Ke Maamale Mein Teen Bachchon Ka Pita Arest

Bulandashahar. . Das saal ki ladki ke saath kathit rape ke maamale mein police ne mangalvaar ko uttar pradesh ke bulandashahar se ek shakhs ko giraftaar kar liya jo teen bachchon ka pita hai. Udhar shikaayat karne gayi peedit ladki ko mahila policekarmiyon ne kai ghante band rakhane ke baad chhoda. Police ne 35 saal ke harindar ko rape ke aaropon mein aaj subah bulandashahar roadways dipo se giraftaar kiya jahaan se vah shahar chhodne ki firaak mein tha. Meerapur gaanv ki naabaalig peedit ladki ravivaar ki raat ko uske maata-pita ko ek khet mein behoshi ki haalat mein mili. Police ne kaha ki rape ke baad ladki ko khet mein feink diya gaya tha. Peedit ladki ke maata-pita ne police mein praathamiki darj karaai lekin hairaani ki baat hai ki mahila thaane ki policekarmiyon ne ladki ko hi salaakhon ke peechhe daal diya jahaan use kai ghante bitaane pade. Maamale mein sthaaneeya logon ke virodh ke baad hi ladki ko chhudaaya ja saka. Varishth police adheekshak gulaab Singh ne bataaya ki do mahila kaanstebalon ko nilambit kar diya gaya hai vaheen thaana prabhaari samet do sab-insapektaron ko ghatna ke baad police laains bhej diya gaya hai. Peedit ladki ke pita shyaamalaal ne baad mein aarop lagaaya ki unke parivaar ko dhamaki di gayi thi ki police ke khilaaf koi bhi baat media se kahi to gambhir parinaam bhugatne honge.

Naabaalig Ladki Se Rape Ke Maamale Mein Teen Bachchon Ka Pita Arest https://www.angrejinews.com/pic/4977