Naabaalig Ki Khudakushi Ke Maamale Mein Thaana Inchaarj Nape

Breaking »

Naabaalig Ki Khudakushi Ke Maamale Mein Thaana Inchaarj Nape

ek samvaadadaata . Bulandashahar police ki fatkaar aur apamaan se aahat hokar aatmahatya karne waali naabaalig ladki ke maamale mein SSP ne thaana inchaarj ko line haajir kar diya gaya hai. Ladki shukravaar ki dopahar khaanapur thaane mein apne bhaai ke khilaaf shikaayat darj karaane I thi. Aarop hai ki is dauraan thaana inchaarj ne ladki ko fatakaara aur abhadr shabd kahe, jisse aahat hokar usane thaane ke paas hi ped se faansi lagaakar khudakushi kar li. SSP ne bataaya ki is maamale ki jaanch SP city Ajay saahani ko saunpi gayi hai, jo 2 din ke andar report saunpeinge. Doshi paae jaane par thaana inchaarj ke khilaaf mukadama bhi darj karaaya jaaega. Bata dein ki gaanv dhakaroli nivaasi chinji ki 15 varsheeya beti thaana police ke paas apne bhaai aur bhaabhi se jaan ka khatra bataate hue shikaayat darj karaane I thi. Is par thaana inchaarj Arvind raathi ne ladki ka munh-haath dhulavaaya. Aarop hai ki is dauraan thaana inchaarj samet kuchh policekarmi ladki par hanse. Saath hi thaana inchaarj ne ladki ko behaya aur badachalan kehkar thaane se bhaga diya. Ladki roti hui thaane se chali gayi aur mahaj 200 meter ki doori par ped se faansi lagaakar aatmahatya kar li. Jab yah maamala SSP ke sanjnyaaan mein aaya to SSP gulaab Singh ne thaana inchaarj ko line haajir kar diya hai.

Naabaalig Ki Khudakushi Ke Maamale Mein Thaana Inchaarj Nape https://www.angrejinews.com/pic/6315