Naabaalig Chhaatra Ko Bandhak Banaakar Kiya Gang-rape

India »

Naabaalig Chhaatra Ko Bandhak Banaakar Kiya Gang-rape

ek samvaadadaata . Bulandashahar pahaasoo thaana sthit gaanv nagaliya ki 17 varsheeya chhaatra ne gaanv ke 3 yuvakon par apaharan kar gang-rape karne ka aarop lagaaya hai. Chhaatra ko 15 dinon tak Ghaziabad mein bandhak banaakar rakha gaya tha. Chhaatra yuvakon ko chakama dekar police ke pahunchi aur apni aapabeeti sunaai. Aarop hai ki police ne use thaane se taraka diya. Guruvaar ko chhaatra ne SSP se mulaakaat kar maamale ki shikaayat ki. SSP ke aadesh par thaana police ne ek mahila samet 4 logon ke khilaaf maamala darj kar liya hai. SSP ko di gayi tahareer ke mutaabik, peedit chhaatra 11veen ki student hai. Vah 15 din pehle apne ghar ke baahar khadi thi. Aarop hai ki is dauraan gaanv ke 3 yuvakon dinesh, mangal aur naresh ne usaka car se apaharan kar liya. Ladki ne apne bachaav mein shor bhi machaaya, lekin usaki madad ko koi naheen aaya. Ladki ne bataaya ki teenon yuvak use Ghaziabad le gaye. Aarop hai ki vahaan par manjoo naam ki ek mahila ke makaan mein le jaakar teenon yuvakon ne uske saath 15 dinon tak gang-rape kiya. Usane bataaya ki is dauraan sabhi yuvak hamesha sharaab ke nashe mein hote the. Us par makaan maalakin bhi najar rakhati thi. Mangalvaar ko mauka paakar ladki Ghaziabad se faraar ho gayi aur bulandashahar ke pahaasoo thaane pahunch. Use police ko ghatna ki jaankaari di lekin kathit roop se use taraka diya gaya. Haalaanki, ladki ke gaayab hone par unke parijanon ne apaharan hone ki FIR darj karva rakhi thi. Uske baad peedita ne SSP se mulaakaat kar ghatna ki tahari di. SSP ne report darj kar aaropiyon ko giraftaar karne ka aadesh diya hai.

Naabaalig Chhaatra Ko Bandhak Banaakar Kiya Gang-rape https://www.angrejinews.com/pic/4525