Na Naha Rahe Hain, Na So Rahe Hain, Bas Ro Rahe Hain Shreeshaant

Breaking »

Na Naha Rahe Hain, Na So Rahe Hain, Bas Ro Rahe Hain Shreeshaant

Nai Delhi. . IPL spot fixing vivaad mein lapete mein aae fast bolar S. Shreeshaant ki Delhi police ke sel mein neende udi hui hain. Do din se vah na nahaae hain aur na hi so pa rahe hain. Delhi police ki ek chhoti se sel mein shreeshaant jyaadaatar bujhe hue rahate hain. Unase jab bhi poochhataachh ki jaati hai, vah foot footakar rone lagte hain. Police sootron ka kehna hai ki poochhataachh ke doosare din bhi shreeshaant fafakakar ro pade. Pehle din vah sel mein baaki saathiyon ke saath the lekin ab vah akele hain. Court ne fixing se jude sabhi 14 aaropiyon ko paanch din ki police remand par bheja huaa hai. Special sel ke lodhi colony sthit office mein unase (aur baaki aaropiyon se) doosare din bhi poochhataachh ki gayi thi jahaan vah lagaataar udaas dikhe aur spot fixing mein unki bhoomika ke baare mein poochhe jaane par rone lage. Police adhikaari ne bataaya ki jab unase poochhataachh naheen ki ja rahi hoti, vah saamaanya bartaav karte hain aur kabhi-kabhi hansate bhi hain. Hansate hue unhein jaise hi yah ehsaas hota hai ki vah kahaan hain, vah chup ho jaate hain. Guruvaar ki raat shreeshaant ne khaane se inkaar kar diya lekin agale din raajama-chaaval khaae. Nahaae vah isliye naheen kyonki unke hisaab se vah bathroom se 'Kanfartebal' naheen the. Vaise Delhi police ke baad ab Mumbai police bhi shreeshaant par case darj karke custody mein lene waali hai. Mumbai ke police commissioner himaanshu rai ke mutaabik, shukravaar ko yahaan ek five star hotel ke 2 kamron mein red ke baad yah faisala liya gaya. Ye shreeshaant aur jeejoo janaardan ke naam book the. Kamron se laptop, iPad, mobile phone aur 72 hajaar cash jabt kiya gaya. Shreeshaant ke kamre se bahut se kaundam aur laptop mein kaafi maudals ke photo mile hain.

Na Naha Rahe Hain, Na So Rahe Hain, Bas Ro Rahe Hain Shreeshaant https://www.angrejinews.com/pic/9015