NPA Ne Ghataaya State Bank Ka Prau‌aafit

Business »

NPA Ne Ghataaya State Bank Ka Prau‌aafit

Mumbai bhaarateeya state bank (SBI) ka munaafa 31 March 2014 ko samaapt timaahi ke dauraan 8 pratishat ghatkar 3,041 karod rupaye rah gaya. Vasool naheen ho rahe loan (NPA) ke evaj mein adhik dhan ke pravaadhaan ke kaaran desh ke is sabse bade bank ka munaafa ghata hai. SBI ko isse pichhle vitt varsh ki January-March ki timaahi mein ekal aadhaar par 3,299 karod rupaye ka munaafa hua tha. SBI ne ek press release mein kaha ki 2013-14 ki chauthi timaahi ke dauraan bank ki kul aay 42,443 karod rupaye rahi. Isse ek saal pehle isi avadhi mein yeh 36,331 karod rupaye thi. NPA ke liye karna pada praavadhaan vitt varsh 2013-14 ki chauthi timaahi mein bank ko NPA ke liye 5,884 karod rupaye ka praavadhaan karna pada, jabki ek saal pehle isi dauraan is mad par kharch 3,974 karod rupaye tha. NPA badhkar hua 2.57 pratishat: March 2013-14 ki timaahi mein kul NPA bhi badhkar 2.57 pratishat ho gaya jo pichhle saal ki isi avadhi mein 2.1 pratishat tha. Poore vitt varsh (2013-14) ka bank ka munaafa 23 pratishat girkar 10,891 karod rupaye rah gaya. Bank ne 2013-14 ke liye 30 rupaye pratishat share ya 300 pratishat ke antim laabhaansh ki ghoshana ki hai. ' laabh mein kami ka kaaran fanse karj tatha bhavishya mein vetan sameeksha ke liye kiya gaya atyadhik praavadhaan hai. Pehli baar SBI ne sampatti gunavatta mein sudhaar ke liye jokhim prabandhan mein kuchh badlaav karne ka nirnaya kiya hai. NPA ko niyantrit karne ke sandarbh mein bank ne kuchh samitiyaan gathit ki hai jo un khaaton par gaur karega jinpar dabaav hai. 'Arudhanti Bhattacharya, cheyaraparsan, SBI.

NPA Ne Ghataaya State Bank Ka Prau‌aafit https://www.angrejinews.com/pic/51541