NIA Ko Lekar Gambhir Naheen Sarkaar

India »

NIA Ko Lekar Gambhir Naheen Sarkaar

arun Dixit . Nai Delhi desh mein badh rahe aantarik aatankvaad se nipatne ke liye jis raashtreeya jaanch agency (NIA) ka gathan kiya gaya tha uske mukhiya ka pad ek hafte se khaali hai. Sarkaar ne NIA ke nivartamaan mahaanideshak sharad chandra sinha ko raashtreeya maanav adhikaar aayog ka sadasya to bana diya hai lekin vah agency ke nae mukhiya ki talaash naheen kar paai hai. Gruh mantraalaya ke sootron ki maanein to nae nideshak ki niyukti mein abhi kuchh aur vakt lag sakta hai. Gruh mantraalaya ke pravakta ke mutaabik filhaal NIA ke atirikt mahaanideshak ko asthaai taur par mahaanideshak ka daayitv saunpa gaya hai. Jaldi hi nae mahaanideshak ki niyukti kar di jaaegi. Sootron se pata chala hai ki mantraalaya Orissa ke police mahaanideshak ko is pad par laana chaahati thi. Lekin unhonne sarkaar ki peshakash manjoor naheen ki hai. Khud mantraalaya ke adhikaari yah maan rahe hain ki jis sanstha ko antararaashtreeya star ke maanakon ke anuroop banaaya gaya ho uske pramukh ka pad khaali hona ek bada savaal hai. Unka saaf kehna hai ki S. Si. Sinha ko sevaanivrutti ke kareeb 7 maheene pehle maanav adhikaar aayog mein niyukt ki gayi hai. Agar aisa hi kiya jaana tha to pehle unke uttaraadhikaari ka chayan kiya jaana chaahiye tha. Khud NIA ke afsar bhi is sthiti ko 'Sukhad' naheen maanate hain. Unka kehna hai ki NIA antararaashtreeya star ki agency hai aur usaki vyavastha bhi isi star ki honi chaahiye. 2008 mein Mumbai hamle ke baad NIA ka gathan kiya gaya tha. Sarkaar ne iske baare mein kaha tha ki yah antararaashtreeya star ki jaanch agency hogi. Lekin pichhle kareeb saadhe chaar saal mein hi NIA ko ek saamaanya jaanch agency ki sthiti mein la diya gaya hai. Is star ki agency ke liye jaroori vyavasthaaon aur network ke star ko chhodkar bhi dekha jaae to NIA ke prati sarkaar ka najariya saaf najar aata hai. Agency ka mukhyaalaya rajdhani ke ek mall mein chal raha hai. Lutiyn kshetr mein uske liye ek imaarat tay ki ja chuki hai lekin mukhyaalaya us bilding mein kab pahunchega koi bataane ki sthiti mein naheen hai.

NIA Ko Lekar Gambhir Naheen Sarkaar https://www.angrejinews.com/pic/5567